Foto: Polisia.kz
Saryarqa aýdany PB polısııa bóliminiń bastyǵy Qadyr Malǵazdarov dosynyń sýǵa batyp bara jatqanyn kórip, balyqshylardy kómekke shaqyryp úlgergen 7 jastaǵy Pýs Darhan esimdi balaǵa rızashylyǵyn bildirip, marapatyn usyndy. Sondaı-aq sýǵa batyp bara jatqan balany qutqarǵan balyqshy Abdýjapbar Abdýraımovqa da baǵaly syılyq tabys etildi. Atalǵan oqıǵa boıynsha «102» jedel arnasyna Esil ózeniniń jaǵalaýynda balyqshylar kámeletke tolmaǵan balany sýdan alyp shyqqany týraly habar túsip, jedel túrde avtopatrýl jiberilgen.
Anyqtalǵandaı, 7 jastaǵy bala qurbysymen jaǵalaý boıymen serýendeýge baryp, oınap júrip muzǵa shyqqan. Bir mezette muz jarylyp, balalardyń biri sýǵa qulap ketken. Jaqyn jerden balyqshylardy kórgen bala júgirip baryp, kómek suraǵan. Sýǵa batyp bara jatqan balaǵa dereý jetken balyqshylardyń jedel áreketiniń arqasynda, qulaǵan bala qutqarylyp, keıin jedel járdem shaqyrylǵan. Qazirgi ýaqytta balanyń densaýlyq ahýaly jaqsy.
