Foto: gov.kz
«Ulttyq damý josparynyń jobasy ázirlengen sátten beri Úkimetpen birneshe márte talqylaýlar men kelisýler ótti, biz ári qaraı ony «Ashyq NQA» portalynda jarııaladyq jáne jalpy azamattardan 200-ge jýyq usynys-pikirleri men ótinishterin aldyq. Qujattyń negizgi ázirleýshisi retinde biz úshin barlyq múddeli tulǵalardy talqylaýǵa qatystyryp, ýaqyt synyna jaýap beretin jospar jasaqtaý mańyzdy», dedi ol.
Strategııalyq sessııa óndirýshi sala ókilderiniń 2029 jylǵa deıingi Ulttyq damý josparyna usynystaryn talqylaýǵa arnaldy. Pikirtalas taqyryby geologııalyq barlaýdy yntalandyrý, salyqtyq ákimshilendirý, tehnogendik mıneraldy túzilimderdi ıgerý, ekonomıkany yryqtandyrý, dekarbonızasııa máseleleri boldy.
«Atameken» UKP tóraǵasynyń orynbasary Gúlnar Bıjanova atap ótkendeı, 2029 jylǵa deıingi Ulttyq damý jospary strategııalyq josparlaýdyń joǵarǵy deńgeıli qujaty bolyp tabylady. «Damý josparynyń mańyzdylyǵyn eskere otyryp, qujattyń negizin quraıtyn salanyń ózekti máselelerin belgileý biz úshin asa mańyzdy», dedi ol.
Talqylaý barysynda qatysýshylardyń árqaısysy salany damytýǵa baǵyttalǵan óz usynystary men naqty máselelerin bildirdi. Is-shara qatysýshylary yntymaqtastyqty ári qaraı jalǵastyrýǵa kelisti.
Is-sharaǵa «Atameken» UKP ókilderi G. Bıjanova, R. Shýntýkov, O. Qýatbekov, sondaı-aq Eýrazııalyq ónerkásiptik qaýymdastyq, «Taý-ken óndirý jáne taý-ken metallýrgııa kásiporyndarynyń respýblıkalyq qaýymdastyǵy» ZTB, «Baǵaly metaldardy óndirýshilerdiń respýblıkalyq qaýymdastyǵy» ZTB, «Qazmyrysh» JShS, «ERG Exploration» JShS, «Kazakhmys Barlau» JShS, «Eýrazııalyq Top» JShS, «Elektr energetıkasyn damytý jáne energııa únemdeý ınstıtýty» AQ, «Kazminerals» toby, «Polımetall Eýrazııa» JShS, «Qazaqmys korporasııasy» JShS ókilderi qatysty.
