Taǵylymdy baǵdarlama

Zamanaýı formatta jaryq kóre­tin baǵdarlama korporasııanyń Al­maty fılıalynda túsirilip ja­tyr. Sonymen qatar habarǵa ult­tyq arnanyń Belgııa, Reseı, Uly­brıtanııadaǵy menshikti tilshileri belsendi atsalysyp otyr.

«Qazaqstan» teleradıokorpora­sııasynyń bas redaktory ári baǵdar­lama júrgizýshisi Bolat Múrsálimniń aıtýynsha, «Tehnokrattar talqysy» sıklinde buryn aıtylmaǵan taqy­ryptar ǵalymdar talqysyna túsedi.

«Korporasııa basshysy Lázzat Tanysbaı bıyl ǵylym men tehnologııa baǵytyndaǵy baǵdarlamalarǵa erekshe mán berip otyr. Jańa joba – osy ba­ǵyttaǵy izdenistiń biri. Baǵ­dar­lamaǵa Ulttyq ǵylym akademııa­sy­nyń ǵalymdary, Joǵary oqý oryn­darynda dáris beretin oqytýshy­lar men professorlar, ǵylymı-zertteý ınstıtýttarynyń basshylary men ǵalymdary qatysady. AQSh, Kanada, Fransııa, Ulybrıtanııa, Re­seı, Ja­ponııa, Ońtústik Koreıa, Qy­taı el­derinde oqyp, zertteýmen aı­na­­­lysyp júrgen qazaq ǵalym­da­ryn onlaın-suhbatqa shaqyra­myz. So­nymen birge ǵylym salasyn­da jańa esimderdi tanytýdy kóz­dep otyr­ǵan joba aıasynda «Bola­shaq» baǵdarlamasymen oqy­ǵan ǵalymdar­dyń ǵylymı jańalyq­-
ta­ry týraly estımiz. Búginde kó­keıkesti bolyp otyrǵan aýany tazartý tehnologııasy, elektrmobılder óndirisi, energııanyń jańa kózderi, qurylys salasyndaǵy 3D prınter tárizdi zamanaýı qurylǵylar, aqyl­dy qa­lalar, gendik ınjenerııa, ja­san­dy aǵza, robottehnıka, jer­den tys ómir, jasandy ıntellekt, kı­ber­qaýipsizdik, blokcheın jáne krıptovalıýta, nanoónimderge qa­tys­ty álemdik jańalyqtardyń, ǵalym­dardyń saraptamasynyń osy salalarda tyńnan túren salýǵa, eli­mizde tyń jobalarǵa túrtki bola­tynyna senimim mol», deıdi ol.

Osy oraıda baǵdarlama barysynda talqylanatyn taqyryp­tyń biri – elektr kóligi óndirisine toqtalyp ótken B.Múrsálim ǵalym­dar­dyń kólikti qýattaýǵa qatysty sheshi­miniń mańyzyna nazar aýdar­dy. Mundaı kóliktiń benzınmen qozǵalatyn avtomobılderden ar­tyq­shylyǵy qorshaǵan ortany lastamaıdy. Energııaǵa da únem. Búginde eli­mizde 5 myńǵa jýyq elektrmo­bıl bar desek, olardy qýattaý ne­gizgi máseleniń birine aınalyp otyr. Mundaı kólikterdi qýattaý be­ket­teri elimizde ǵana emes, álemde az. Ba­sym jaǵdaıda lıtıı-ıondy ba­tareıalar qoldanylady. Osy oraı­da Nazarbaev ýnıversıtetiniń pro­fessory Jumabaı Bákenov lıtıı-kúkirtti batareıa oılap taýyp, joba­nyń energııa únemdiligin dálel­dep otyr. Qysqasy, atalǵan baǵ­darlama osyndaı taqyryp aýqym­dylyǵymen erekshelenedi.

ALMATY