Investısııalyq jobalarǵa kepildik beriledi

Jańa jedel habarlaý júıesi engiziledi

Tótenshe jaǵdaılar mınıstri Shyń­ǵys Árinov TJ-nyń birinshi mınýttary­nan bastap barlyq qyzmet bekitilgen algo­rıtmderge sáıkes jumysty dereý bastaǵanyn aıtty. Is-qımyldy úılestirý úshin respýblıkalyq jáne oblystyq shtabtar uıymdastyryldy. Azamattardy jer silkinisi jáne odan ári is-áreketter týraly habardar etý tele jáne radıoarnalar arqyly, sondaı-aq sóıleý dabyly men basqa da quraldardyń kómegimen júzege asyryldy. Sondaı-aq 384 azamattardy qabyldaý pýnkti ashyldy. Táýlik boıy jumys isteıtin «jedel jeli» iske qosyldy. Qazir Almatynyń tirshilikti qamtamasyz etý júıeleriniń barlyq nysany shtattyq rejimde jumys istep tur. Eldegi seısmıkalyq jaǵdaı – turaqty. TJM aýqymdy aqparattyq-túsindirý jumystaryn jáne jer silkinisi kezinde azamattardy is-qımylǵa daıyndaýdy jalǵastyrady.

Almaty ákimi Erbolat Dosaev qalada­ǵy qazirgi ahýal jáne qabyldanyp jat­qan sharalar týraly aıtty. Ol azamattar­dy jınaý pýnktteriniń jumysyn uıym­dastyrýǵa aýdan ákimdikteri men qutqarý qyzmeti jumyldyrylǵan. Adamdar tósek-orynmen, sýmen jáne tamaqpen qamtyldy. Barlyq qabyldaý pýnktinde polısııa jáne TJ qyzmetkerleri kezekshilik atqarýda. Memleket basshysynyń tapsyrmasy boıynsha bıylǵy mamyr aıynyń sońyna deıin Cell Broadcast tehnologııasyn paıdalanyp, «Mass Alert» qaǵıdaty boıynsha mobıldi qurylǵylar arqyly halyqty jedel habardar etý júıesin engizý josparlanǵan. Bul jumysty qazir Almaty ákimdigi, Sıfrlyq damý, ınnovasııalar jáne aeroǵarysh ónerkásibi, TJ mınıstrlikteri birlesip júrgizip jatyr.

«Qazir bolǵan jaǵdaıdy esepteý-baǵalaý jumystary jalǵasýda. TJ mınıstrligi eldegi seısmologııalyq ahýal­ǵa turaqty monıtorıngti qamtamasyz etýi kerek. Kúshter men quraldar saqadaı saı bolýǵa tıis. Sondaı-aq TJ mınıstrligi elimizdiń taýly aımaqtarynda sel jáne laı kóshkini júrý qaýpine qatysty tıisti monı­torıngti qamtamasyz etýi kerek. Tótenshe jaǵdaı qaýpi týyndaǵan kezde shuǵyl áreket etý sharalaryn qabyldaý lázim», dedi Oljas Bektenov jaǵdaıǵa qatysty.

Investısııalyq jobalardy iske qosý jeńildeıdi

Úkimet otyrysynda ınvestısııany qoldaý jáne yntalandyrý sharalary­nyń tıimdiligi týraly másele kóterildi. Premer-mınıstrdiń orynbasary – Ult­tyq ekonomıka mınıstri Nurlan Baı­bazarov 2024 jyly negizgi kapıtalǵa 22,1 trln teńge ınvestısııa tartý jos­par­lanǵanyn, bul ótken jylmen salys­tyrǵanda 22%-ǵa artyq ekenin aıtty. Bul rette ınvestısııalyq jobalardyń biryń­ǵaı pýly sheńberinde quny 2,3 trln teń­geni quraıtyn 234 jobany iske asyrý kózdelgen.

Respýblıkada jeke kapıtaldy ynta­lan­dyrýdyń birqatar tıimdi qural­dary jumys istep keledi. Osylaısha, iri ınvestorlardy tartý úshin ınvestısııalar týraly kelisim jasaý tetigi jetildirildi. Sonymen qatar salyq zańnamasynyń turaqtylyǵyna 10 jylǵa kepildik beretin ınvestısııalyq mindettemeler týraly kelisim engizildi. Bul taýar óndirýshilerge qarjylyq aǵyndardy uzaq merzimge josparlaýǵa, ınvestısııalardyń qaıtarym­dylyǵyn boljaýǵa múmkindik beredi. Al Investısııalyq saıa­sat tujyrymdamasyn 2029 jylǵa deıin ózektendirý úderisi belsendi júrip jatyr. Sonymen qatar bıznes-qoǵam­dastyqpen birlesip qolda­nystaǵy qoldaý sharalaryn jaqsartý bo­ıynsha jumystar qolǵa alynǵan.

Premer-mınıstr jahandyq báseke­les­tik jaǵdaıynda memlekettik qol­daý shara­lary ınvestısııa tartýdyń ma­ńyz­dy faktory ekenin atap ótti. Mun­da Úki­met­tiń negizgi basymdyqtary – jo­ǵa­ry deńgeıde óńdelgen ónimder shy­ǵarý, tehnologııalar transferti jáne óndiristerdi lokalızasııalaý. Qazir elimizde ınvestorlarǵa salyqtyq jeńil­dikter, kedendik bajdardan bosatý, zattaı granttar berý, kepildendirilgen tapsyrysty qamtamasyz etý jáne taǵy basqa da túrli preferensııalar berilip otyr. «Máselen, arnaıy ekonomıkalyq aımaq­tar ınstıtýty áli kúnge deıin tıisti deńgeıde damymaı otyr. Al ozyq elder­diń kópshiligi arnaıy ekonomıkalyq aımaqtardy ınvestısııa tartýdyń tıimdi quralyna aınaldyrǵan», dedi ol.

Dúnıejúzilik banktiń derekterine súıensek, tartymdylyǵy jaǵynan salyq jáne kedendik jeńildikter tek úshinshi jáne tórtinshi oryndarda tur. Al birinshi pozısııada qolaıly ákimshilendirý, qajetti ınfraqurylymmen qamtamasyz etý quraldary ornalasqan. «Bizdiń arnaıy ekonomıkalyq aımaqtardy reformalaý áreketimiz olardyń tıimdiligin art­tyra almaı keledi. Sondaı-aq biz basqarýshy kompanııalardy qamtamasyz etýge qomaqty bıýdjet qarajatyn jum­sap otyrmyz. Biraq olardyń tarapynan ın­vestısııa túrinde tıisti qaıtarym joq», degen Úkimet basshysy taǵy bir mańyzdy másele – jergilikti qamtý úlesin ulǵaıtý ekenin atap ótti. Onyń aıtýynsha, ınvestorlardyń, kvazımemlekettik sek­tordyń satyp alý rásimderinde otan­dyq taýarlar men qyzmetterdiń úle­sin barynsha ulǵaıtý qajet.

«Memleket qoldaý sharalaryna orasan kóp qarajat bólip otyrǵanymen, jeke kapıtaldy tartý múldem jetkiliksiz. Bul iske otandyq bankter men halyqaralyq qarjy ınstıtýttarynyń qatysýy da mardymsyz. Osyǵan baılanysty qosymsha qarjylandyrý kózderin tartý boıynsha pármendi sharalar qabyldaý kerek», degen Úkimet basshysy memlekettik organdar men damý ınstıtýttary arasynda ózara úılesimdi is-qımyldyń joq­ty­ǵynan ınvestorlar memlekettik qol­daý sharalary týraly aqparatty bile ber­meı­tinin aıtty. Sóıtip, memlekettik organ­darǵa qysqa merzimde qoldaý shara­larynyń tıim­diligine keshendi taldaý júr­gizýdi, olar­dy jaqsartý jóninde naqty usy­nys­tar engizýdi, ulttyq sıfrlyq ın­ves­tı­sııalyq platformanyń tolyqqandy iske qosylýyn qamtamasyz etýdi tapsyrdy.

Úkimet basshysy úndeýiniń kókeıkestiligi

Premer-mınıstr kezekti Úkimet otyrysynda barlyq ınvestorlarǵa úndeý joldady. «Búginde álemniń kóptegen elderi ınvestısııa tartýǵa barynsha mán berip otyr. Qazaqstannyń da maqsaty – sol! Biz otandyq jáne sheteldik bıznespen ózara tıimdi yntymaqtastyq ornatýǵa múddelimiz. Biz uzaqmerzimdi ınves­tısııalar úshin barynsha qolaıly jaǵdaı jasaýǵa udaıy umtylyp kele­miz. Qazaqstan Úkimeti joǵary deńgeı­de óńdelgen ónimder shyǵarýǵa, aqparat­tyq tehnologııalardy ozyq qarqynmen damytýǵa, elimizdiń serpindi damýyna yqpal etetin ınnovasııalyq kásip­oryndar qurýǵa baǵyttalǵan árbir iri ınvestısııalyq jobaǵa qoldaý kórsetýge kepildik beredi dep sendirgim keledi. Úkimet ınvestorlarǵa resýrstarǵa keder­gisiz qol jetkizýge múmkindik jasaıdy, ınfra­qurylymdyq, konsýltatıvtik qoldaý kórsetedi, ónimderin ótkizýge kómektesedi. Sizder memlekettik jáne quqyq qorǵaý organdary tarapynan eshqandaı qysym kórmeısizder. Oǵan eshqandaı kúmán bolmasyn. Kerisinshe, Úkimet sizderge senimdi ári ashyq áriptes bolady. Bul máselelerdi sheshý úshin Investısııalyq shtab jumys isteıdi. О́tken jyly Prezıdent Qasym-Jomart Toqaev atalǵan Shtabqa erekshe ókilettikter berdi. Biz otandyq jáne sheteldik ınvestısııalar aǵynyn arttyrý úshin basqa da bastamalardy iske asyrýǵa nıettimiz», dedi Oljas Bektenov.

Abattandyrý týraly tapsyrma berildi

Sonymen qatar Úkimet otyrysynda qalalardy abattandyrý jáne kógaldan­dyrý sharalary qaraldy. О́ner­kásip jáne qurylys vıse-mı­nıstri Azamat Beıisbekov Memleket basshy­synyń tapsyrmasy boıynsha durys júıelengen qurylysty engizý jáne tartymdy, jaıly qoǵamdyq keńistikterdi qalyptastyrý boıynsha nusqaýlyq bolatyn «Qalalardy keshendi salý standarty» ázirlengenin aıtty. Ony qalalar aýmaǵyn egjeı-tegjeıli josparlaý jobasynda paıdalaný úshin barlyq jergilikti atqarýshy organǵa jiberilgen. Bul rette aýytqýlardy boldyrmaý úshin 2024 jylǵy qańtardan bastap biryńǵaı qala qurylysy saraptamasy engizildi. Ol josparlaý kezinde sáýlet-qurylys normalarynyń buzylýyn boldyrmaýǵa múmkindik beredi.

Premer-mınıstrdiń aıtýynsha, ja­sal­ǵan standart turǵyndardyń ómir súrý jaǵdaıyn jaqsartýmen qatar, týrıstik salany damytýǵa da erekshe serpin beredi. Bul rette ol azamattardyń áli de bolsa trotýarlar men jaryqtyń joqtyǵyn, jasyl jelektiń azdyǵyn aıtyp, jıi shaǵymdanatynyna toqtaldy. «Ákimdikter tarapynan júıeli jumys­tyń bolmaýy – abattandyrý men kógal­dan­dyrýdyń negizgi problemasy. Aǵash­tar men ósimdikter otyrǵyzylady, biraq keıin eshqandaı kútim jasalmaıdy. Kóp­shilik jınalatyn qoǵamdyq oryndar men úı mańyndaǵy aýmaqtardyń usqynsyz jaǵdaıy úlken problemaǵa aınalǵan. Saıabaqtar men skverler kóbinese ıesiz qalǵandaı kúı keshedi. Olardy jyl saıyn jańartyp otyrý, kórkeıtý jumysy júr­gi­zilmeıdi. Keıde tipti saıabaqtarda ny­san salý faktileri de kezdesedi», dedi ol.

Elorda ákimdigi demalýǵa jaıly aı­maqt­ar qurý, kógaldandyrýdyń keshen­di jú­ıe­sin iske asyrý jónindegi jumysty jal­ǵas­­tyrýy qajet. Bul qalanyń iri tur­ǵyn aýdan­darynyń «jańa tynysyn» ashýǵa múm­­kindik beretinin aıtqan Premer-mı­nıstr osyǵan uqsas jaǵdaı Almaty qala­syn­d­a da qalyptasyp otyrǵanyna toqtaldy.

Otyrysta Premer-mınıstrdiń orynbasary – Ulttyq ekonomıka mınıstri Nurlan Baıbazarov ınvestısııany qoldaý men yntalandyrýdyń qoldanystaǵy sharasy jáne olardy jaqsartý jónindegi jospar týraly baıandady. Investısııalyq belsendilik serpindi ekonomıkalyq ósýdi qamtamasyz etý úshin úlken mańyzǵa ıe. Bıyl jospar boıynsha negizgi kapıtalǵa 22,1 trln teńge ınvestısııalanady, bul ótken jyldyń qorytyndysynan 22%-ǵa artyq. Investısııalyq jobalardyń Biryńǵaı pýly aıasynda bıyl jalpy quny 2,3 trln teńge bolatyn 234 jobany iske asyrý josparlanǵan. О́ńirlerdiń árbir ákimi men salalyq memlekettik organdardyń mınıstrine KPI bekitilgen. Investısııalyq shtab sheńberinde ınves­torlardyń máselesin jedel retteý boıynsha shara qabyldanyp jatyr. Memleket basshysynyń tapsyrmasy bo­ıynsha barlyq óńirlerdegi prokýrorlar pýlda turǵan jobalardy súıemeldeýge tyrysty. 37 kompanııany ornalastyrý jumystary jalǵasyn taýyp otyr. Qazir ınvestısııa tartý boıynsha birqatar tıimdi quraldar qoldanylady.

Búgingi tańda ázirlenip jatqan jańa Ulttyq damý josparyn eskere otyryp, Investısııalyq saıasattyń 2029 jylǵa deıingi tujyrymdamasyn ózektendirý boıynsha jumys júrgizilýde. Eńbek ónim­diliginiń ósýine jáne eksporttyq sebettiń kúrdelenýine baǵdarlanǵan sapaly ınvestısııalardy keıinnen targetteý úshin ınvestısııalarǵa óńirlik jáne sala­lyq qajettilikter qalyptastyrylady. Halyq­aralyq reıtıngterdi eskeretin ınvestısııalyq klımat boıynsha jańa KPI belgileý qaralyp jatyr.