Sı Djeı 1991 jyldyń 18 maýsymynda San-Antonıoda dúnıege kelgen. Áý basta sporttyń san alýan túrimen aınalysqan bozbala eseıe kele mýaı-taıǵa qyzyǵýshylyq tanytty. 2012 jyldan beri ol aralas jekpe-jekke myqtap den qoıdy. Sol aralyqta Vergara 17 márte jekpe-jekke shyǵyp, 12 ret jeńiske jetti. Bul aıqastardyń jeteýinde aıqyn jeńiske qol jetkizdi. Tórt ret utylyp, taǵy bir básekede teń esep tirkeldi.
30 jastaǵy Asý – Jambyl oblysy, Sarysý aýdanynyń týmasy. Bastapqyda ol otandyq Alash Praıd, reseılik Tech-Krep FC, Fight Nights Global, ASA, M-1 jáne bahreındik Brave lıgalarynda óner kórsetti. Byltyr 5 tamyzda qazaqtyń qaısar uly UFC-degi tusaýkeser kezdesýin Odı Osbornǵa qarsy ótkizip, ony ekinshi raýndta qylqyndyryp tastady. Jalpy 10 jylda Almabaev 20 márte oktagonǵa shyǵyp, sonyń 18-inde jeńiske jetti. Sol jekpe-jekterdiń teń jartysynda aıqyn basymdyq tanytty. 2017 jyl Asý úshin sátsiz boldy. Qandasymyz Mahachkalada daǵystandyq Tagır Ýlanbekov pen Almatyda ázerbaıjandyq Mehman Mamedovke ese jiberdi. Al sodan keıingi alty jyl aralyǵynda ol 14 kezdesý ótkizip, barlyq qarsylasyn qapy qaldyrdy. Oǵan qosa, «Zulpyqardyń» djıý-djıtsýdan álem jáne kombat djıý-djıtsýdan Azııa chempıony degen ataqtary bar.
Maıamıde biz Asý Almabaev pen Sı Djeı Vergaranyń jekpe-jeginen bólek, taǵy 14 kezdesýdi tamashalaımyz. Bul keshtiń basty básekesinde Shon O’Mellı (17-1) men Marlon Vera (21-8-1) jáne Dastın Pore (29-8) men Benýa Sen-Denı (13-1) arasynda ótedi. Sondaı-aq Maıkl Peıdj (21-2) ben Kevın Holland (26-9), Gılbert Bıorns (22-6) pen Djek Della Maddalena (15-3), Pıotr Iаn (16-5) men Iаdýn Sýn (21-7-1), Jaılton Almeıda (20-2) men Kıortıs Bleıds (17-4) jáne Mateýsh Gamrot (23-2) pen Rafael dos Anos syndy sańlaqtardyń da (32-15) aıqasy da kórermender kóńilinen shyǵatynyna kúmánimiz joq.
