Foto: inbuseness.kz
Shymkent ákiminiń eks-orynbasaryna qatysty derek qylmystyq ister jónindegi mamandandyrylǵan aýdanaralyq sotta qaralyp jatyr. Tergeý materıaldary 21 tomǵa jınaqtalǵan.
Buǵan deıin bloger Aıgúl Orynbek onyń kásipkermen sóılesken aýdıo jazbasyn jelige jarııalaǵan edi. Ol jazbada jergilikti kásipkerlerdiń biri 2020 jyly qaladaǵy jylý qubyr júıesin aýystyratyn memlekettik konkýrsqa qatysqany kórsetilgen. Kásipker eń tómengi baǵany usynsa da, ashyq konkýrstan shettetilipti. Keıin sot arqyly jeńiske jetken. Al ákimdik bes kúnnen keıin kelisimshart usynýǵa tıis edi. Alaıda Maqsut Isahov kásipkermen baılanysyp, 187 mıllıon teńge kóleminde para suraıdy.
Sol sátti kásipker dıktofonǵa jazyp alǵan.
Kásipkerdiń aıtýynsha, quqyq qorǵaý organdaryna túsirgen shaǵymdy eshkim elemegen.
Endi aıyptalýshynyń qylmysqa qatysy bary dáleldense, 10 jyldan 15 jylǵa deıin sottalýy múmkin.
«Alty balam bar, onyń beseýi kámeletke tolmaǵan. 75 jastaǵy kári anam da meniń qolymda. 8 aıdan beri tergeý kezinde kórmegen qorlyǵym joq. Bir kisilik kameraǵa otyrǵyzyp qoıdy. Eshkimniń basyna mundaı synaq bermesin. Aıyp etpeńizder», degen Maqsut Isahov sot aldynda kóz jasyna erik berdi.
