Saıys barysynda ónerli ájeler ózderin óleń joldarymen tanystyryp, monolog ta oqydy. Sán baıqaýynda podıýmǵa shyǵyp kıim úlgilerin kórsetken sánqoı apalar kıim úlgilerin ózderi piship, eksklıýzıvti týyndylaryn usynǵan. Al óner baıqaýynda ájeler dombyra, gıtara, baıannyń súıemeldeýimen án aıtyp, bı bıledi. «As úı qupııasy» baıqaýynda eki saıysker bir taǵam túrin úıinen ázirlep kelip, qazylar alqasynyń nazaryna usyndy.
Baıqaý qorytyndysy boıynsha «Almaty» aýdany atynan qatysqan 78 jastaǵy Kúlán Madııarova men 63 jastaǵy Qadyrkúl Syzdyqova úzdik atanyp, bas júldege ıe boldy. Barlyq jeńimpazdarǵa merekelik syılyqtar tabys etildi.
Budan bódek, merekelik keshte aryqtaý marafony men «Ájemniń ertegisi» chellendjiniń, «Instagúl» nomınasııasynyń jeńimpazdary anyqtalyp, olarǵa da qurmet kórsetildi.
Kesh barysynda Astana qalasynyń ónerli ata-ájelerinen quralǵan «Ádemi» ansambli, «Jalyn» bı toby jáne basqa da ónerpazdar óner kórsetti.
Baıqaý jeńimpazdaryn marapattaý rásime Astana qalasynyń kásipkerleri qoldaý kórsetip, demeýshilik jasady.
