Oblystyq aýyl sharýashylyǵy basqarmasynyń basshysy Saıat Mýsın óziniń baıandamasyn ótken jyly óńirdiń agroónerkásiptik keshenine 26,2 mlrd teńge ınvestısııalanǵanynan bastady. Bul qarjynyń bir parasy aýyl sharýashylyǵy tehnıkasyn jańartýǵa baǵyttalyp jatqanyn atap ótti. 15,8 mlrd qarjyǵa 931 túrli tehnıka satyp alynǵan. Qazirgi ýaqytta aımaǵymyzda 12 myńǵa jýyq dońǵalaqty jáne shynjyr tabandy traktor, myń jarymǵa jýyq astyq, kartop jáne jemshóp jınaıtyn kombaın bar.
Munymen qosa, ótken jyly 10 mlrd teńgege josparlanǵan 28 joba iske qosylyp, 200-ge jýyq jumys orny quryldy. Onyń ishindegi jeti joba osy Nura aýdanynda júzege asqanyn atap ótýimiz kerek. «Aqtaılaq», «Ǵıbrat», «Qultýma» sharýa qojalyqtary tuqymdy asyldandyrýǵa 56 jylqy satyp aldy.
«TASS 2004» JShS 312 gektar sýarmaly jer qalpyna keltirýde. «Chernıgovskıı ı K» JShS-da quny 75 mln teńge bolatyn astyq tazalaıtyn mashına satyp alynyp, ornatyldy. Dál osyndaı astyq qurylǵysyn «Qulanótpes» JShS-da ornatqan. Budan basqa, munda astyq qoımalaryn qaıta jańartý júrgizilýde. Sondaı-aq «Karın A» JShS un tartý kásipornyn ashty.
– Aýyl halqynyń tabysyn arttyrý jobasy aıasynda byltyr 3,4 mlrd teńgege 456 shaǵyn nesıe berildi. Mundaǵy 62 nesıeni aýyl sharýashylyǵy kooperatıvteri men 394 jeke sharýa qojalyǵy aldy. Nátıjesinde, 580-ge jýyq jumys orny ashyldy. Nura aýdany boıynsha 375,9 mln teńgege 35 shaǵyn nesıe berildi, – dedi Saıat Mýsın.
Basqarma basshysy aýyl sharýashylyǵy qurylymdarynyń aldynda turǵan mindetterdi de atap ótti. Endi, osy saladaǵy ónim óndirý kólemin 563 mlrd teńgege deıin jetkizý josparlanyp otyr. Iri qara men jylqy, qusty kóbeıtýge nıetti sharýalar.
Atap aıtqanda, et óndirisi – 124,2 myń tonnaǵa deıin, sút – 447,4 myń tonnaǵa deıin, jumyrtqa – 736,4 mln danaǵa deıin ósirýdi mindettep otyr. О́simdik sharýashylyǵy boıynsha da ósim ulǵaıady.
Memleket basshysynyń tapsyrmasyna sáıkes, 600 myń gektarǵa 71,5 myń tonna mıneraldy tyńaıtqysh engiziledi. Iаǵnı egis alqabynyń jartysyna jýyǵyna. Bul rette kóktemgi egis jumystaryna 17,4 myń tonna arzandatylǵan dızel otyny bólindi. Bıyl eki operatormen kelisim jasaldy. «Retail Trade Oil» JShS jáne «Munaı-kompanııa» JShS. Olar aqpan aıynan bastap, Qaraǵandy men Osakarovkadaǵy munaı bazalarynan dızel otyny lıtrin 245 teńgege satyp jatyr.
Bıyl 43,6 mlrd teńgege 27 ınvestısııalyq jobany iske asyrý josparda bar.
– «Aýyl amanaty» aýyl halqynyń tabysyn arttyrý jónindegi jobany iske asyrý jalǵasady. Buǵan bıyl 7 mlrd teńge qarjy qarastyrylǵan. 880 shaǵyn nesıe beriledi. Bul degenimiz, aýylda 930-dan asa jańa jumys ornyn qurýǵa múmkindik beredi. Osy mindetterdiń barlyǵy Memleket basshysynyń 2028 jylǵa deıin aýyl sharýashylyǵynyń jalpy óniminiń kólemin eki esege ulǵaıtý jónindegi tapsyrmasyn oryndaý jónindegi Jol kartasyna engizilgen. Qoıylǵan mindetterdi júzege asyrý úshin áleýet bar, olardy barynsha paıdalanamyz dep otyrmyz, – dep baıandamasyn qorytyndylady Saıat Mýsın.
Buǵan qosa, alqaly basqosýda aýyl sharýashylyǵyna qatysty mańyzdy máseleler pysyqtaldy. Kóktemgi egis naýqanyna daıyndyq, astyq alqabyn qunarlandyrý, jemshóp jınaý jóninde órbidi. Aýyl sharýashylyǵy uıymdarynyń basshylary fermerlerdiń máselelerin tyńdap, ashyq pikir almasty. Bastysy, aýyl tabysy artpaq. Aýyl baıysa, el ekonomıkasy eńse tikteıdi.
Qaraǵandy oblysy,
Nura aýdany
