«Qyzylorda oblysynyń polısııa departamenti qylmystyq is qozǵap, tergeý júrgizip jatqanyn habarlaımyz. Tergeý qupııalyǵyna baılanysty basqa aqparat jarııalanbaıdy», delingen habarlamada.
Eske salaıyq, 2020 jyly áleýmettik jelide sol kezdegi Qyzylorda oblysynyń ákimi Gúlshara Ábdiqalyqovanyń ashýyna tıgen jergilikti turǵynnyń vıdeosy tarap ketken bolatyn. Vıdeoda oblys ákiminiń sapary kezinde nysandarǵa baratyn joldyń jabylyp, qoǵamdyq kólikterdiń júrýine shekteý qoıylǵany aıtylady. Buǵan ashýlanǵan turǵyndar bul máseleni Gúlshara Ábdiqalyqovaǵa jetkizý úshin onyń jolyn bógep tastaıdy. Alaıda, ákim ashýly turǵyndarmen tildesip, mán-jaıdy túsindirmedi.«Joldaryńyzdy jaýyp tastaǵan men emespin», - dep turǵyndarǵa qysqasha jaýap berdi de, qara kóligine otyryp, ketip qaldy. Áıelderdiń biri onyń artynan aıqaılady: «Sen kimsiń, halyqty tyńdaǵyń kelmeıdi? Hannyń qyzy nemese ne?» Sodan beri Ábdiqalyqovaǵa «hannyń qyzy» degen laqap at berilgen edi.
