Foto avtordan
Búgin áıel qyzmetkerlerdiń bárin oblystyq PD bastyǵy Aıdyn Qabduldınov quttyqtady. «Osy zalda bizdiń aramyzda qyzmettik mindetterin atqarý kezinde qaza tapqan polısııa qyzmetkerleriniń jubaılary men týystary da otyr. Qaıǵyǵa moıymaı urpaq tárıbelep, olardyń boılaryna Otanǵa degen mahabbatty sińirip jatqan Sizderge de alǵysymyz sheksiz», dedi polısııa polkovnıgi Qabduldınov. Sondaı-aq ol jas qyzmetkerlerge tájirıbelerin úıretip júrgen ishki ister organdarynyń áıel ardagerlerine de alǵysyn aıtty.
Qyzmettik mindetterin adal atqaryp júrgeni jáne joǵary kórsetkishterge qol jetkizgeni úshin birqatar qyz-kelinshekterge polısııa vedomstvosynyń bastyǵy IIM-niń qurmet gramotalaryn, gramotalar men alǵys hattaryn tabys etti. Sonyń ishinde Taıynsha aýdany polısııa bóliminiń ákimshilik polısııa bólinisiniń ınspektory Aıana Baǵylova «Qazaqstan polısııasyna 30 jyl» mereıtoılyq medalimen, al oblystyq PD Ákimshilik polısııa basqarmasynyń erekshe tapsyrmalar jónindegi aǵa ınspektory polısııa podpolkovnıgi Natalıa Koveskaıa «II dárejeli ishki ister organdarynyń úzdigi» tósbelgisimen marapattaldy.
Is-shara PD mádenı ortalyǵyndaǵy vokaldyq toptyń konsertimen aıaqtaldy. Pogondaǵy ártister jańa lırıkalyq jáne patrıottyq kompozısııalar men hıtke aınalǵan ánderdi oryndady.
