О́ziniń mamandyǵy – dáriger. Qazir qala aýmaǵynda velosıpedpen qatynap júr. Jergilikti stýdentterge aǵylshyn tilin tegin úıretedi. Sheteldik áıel Qazaqstanǵa kelisimen qazaqtyń ulttyq salt-dástúrin, ádet-ǵurpyn, tarıhy men ádebıetin, mádenıetin zertteýge den qoıypty. Jergilikti teatr men fılarmonııada ótetin mádenı is-sharaǵa jıi barady.
«Qazaqtyń ulttyq aspaby dombyradan tógilgen kúıdiń sazy erekshe áser etti. Sodan keıin dombyra shertýdi úırenýge bel býdym. Alaıda dombyra úırený ońaı bolmady. Munyń bir ǵana sebebi bar. Qıyndyq tilge qatysty týyndady. О́ıtkeni dombyra synybynyń muǵalimi Erlan Saqtanov aǵylshynsha, al men qazaqsha bilmedim. Biraq biz bir-birimizdiń tilimizdi jetik bilmesek te, baılanysymyzdy úzbedik. Qazaq jigiti shydamdy eken. Tórt jyldan beri maǵan dombyramen kúı shertýdi úıretip keledi. Koronavırýs ınfeksııasy órshigen tusta onlaın dáris berdi», dep aǵynan jaryldy sheteldik.
Ol dombyrany janyndaı jaqsy kóredi. Dombyra sabaǵyna kúninen tórt saǵatyn bóledi. Úsh dombyra satyp alǵan. Dombyranyń ekeýi Anglııadaǵy úıinde saqtaýly.
Qazir ol qazaqtyń birneshe kompozıtorynyń kúıin oryndaýdy meńgerip alǵan. Ásirese kúı óneriniń atasy Qurmanǵazy, Dáýletkereı men Dına, Ázıdolla Esqalıev pen Qarshyǵa Ahmedııarov sekildi qazaq kúıshileriniń 50-ge jýyq kúıin naqyshyna keltire oryndaıdy. Eki ret kúı saıysyna qatysyp, arnaıy júldege ıe boldy.
«Dombyranyń qos isheginen kúmbirleı shyqqan kúıdiń qudiretine tańǵalamyn. Maǵan, ásirese, «Adaı», «Balbyraýyn», «Qos alqa», «Mereke», «Qyzyl qaıyń», «Aqsaq kıik» kúıleri unaıdy. Al Qurmanǵazynyń kúıleri – tunyp turǵan tarıh. Onyń shyǵarmalarynda ádiletsizdikke qarsy kúresken qazaqtyń arman-maqsaty bar. Sol sebepten Qurmanǵazy týraly dıssertasııalyq jumysymdy qoǵa alyp, qorǵaıtyn bolarmyn. Ol úshin Almatydaǵy joǵary oqý oryndarynyń birinen qazaq tilin meńgerýdi josparlap júrmin. Qazaq aýyldaryn aralap, Qurmanǵazynyń murasyn tolyq zerttegim keledi», dep aldaǵy josparymen bólisti ol.
Sheteldik qazaqtyń ónerin ǵana emes, ulttyq taǵamyn da unatady. Úıinde et asady. Shubat pen qazyny jıi tutynady.
«Qazaqtyń jomart ári márt minezi unaıdy. Qınalǵan janǵa qol ushyn sozatyn meıirbandyǵy, etene tanys bolmasa da, qonaqjaılylyq tanytatyn qarapaıymdylyǵy tańǵaldyrdy. Qazir qazaq dostarym kóbeıdi. Olarmen jıi kezdesip, bir-birimizdi qoldap júremiz», deıdi dombyraǵa «ǵashyq» S.Masters.
Onyń jubaıy vıolonchelde, úsh qyzy gıtarada, alt pen fortepıanoda oınaıdy. Barlyǵy mýzyka mektebin bitirgen. Uly ǵana mýzykaǵa den qoıǵan.
Atyraý oblysy
