Ǵanı Beısembaev quttyqtaý sózinde qoǵamda áıelderdiń eren eńbeginsiz damý múmkin emes ekenin atap ótti. Olardyń urpaq tárbıesindegi mańyzdy rólin eshkim joqqa shyǵara almaıtynyn jetkizdi.
«Sizder táýelsiz elimizdiń bolashaǵy – jas jetkinshekterimizdi tárbıelep, búkil eldiń ıgiligi jolynda eńbek etip kelesizder. Sol úshin Halyqaralyq áıelder kúni merekesi aıasynda shynaıy alǵysymdy bildiremin. Sizder kásibı sheberlikterińiz ben qajyr-qaırattaryńyzdyń arqasynda ana men ustaz mindetin qatar alyp júrsizder. Osy jolda zor densaýlyq, sarqylmas sabyr tileımin. О́mirlerińizdiń árbir sáti baqytty kezeńderge toly bolsyn», dedi
mınıstr.
Mereke qarsańynda elimizdiń bas ustazy pedagogterdi «Bilim berý isiniń qurmetti qyzmetkeri» jáne «Y.Altynsarın» tósbelgilerimen marapattady. Marapat alǵandardyń qatarynda elordadaǵy №96 mektep-gımnazııa dırektory Sáýle Temenova, fızıka pániniń muǵalimi Dámeli Qoshqarbaeva, sondaı-aq bastaýysh synyp muǵalimderi Aqshagúl Aqmaǵambetova, Merýert Qabıeva, Apıdash Rahymjanova, Gúlnar Ishanbaı, qazaq tili men ádebıeti pániniń muǵalimderi Maıra Shaıhıeva, Laýra Semeeva, Svetlana Jumanova, Altyngúl Shaımaǵanbetova, Ásel Ermentaeva, orys tili jáne ádebıetiniń muǵalimderi Nurgúl Ospanova, Álııa Nurahmetova, matematıka pániniń ustazdary Marjangúl Ábdikárimova, Baǵlan Qusmanova, tarıh pániniń muǵalimi Janat Aıdaǵaraeva jáne aǵylshyn tili pániniń muǵalimi Aqmaral Saıfýtdınova bar. Aıta keteıik, búginde elimizdegi bilim berý uıymdarynda 470 myńǵa jýyq áıel pedagog eńbek etedi.
