Astanadaǵy áıelder forýmy

Forýmǵa eldiń barlyq óńirinen 500-den asa qonaq jıyldy. Olardyń qatarynda saıası jáne qoǵam qaıratkerleri, kásipker, bilim jáne ǵylym salasynyń qyzmetkerleri, kópbalaly analar boldy. Basqosýda azamattyq sek­tor men halyqaralyq uıym ókil­deri otbasylyq-demo­gra­fııa­lyq saıasat jónin­de, áıel­der­diń qoǵamdaǵy róli týrasyn­­da ma­ńyz­dy másele­ler­di talqy­la­dy. Bul qa­tarda otbasy­lardy áleý­met­tik jáne ekono­mıka­lyq qol­daý, bala quqyǵy jáne áıel teń­digine qa­tys­ty da usynys-pikirler aıtyldy.

Forýmnyń ashylý saltanatynda Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy, Mádenıet jáne aqparat mınıstri Aıda Balaeva komıssııanyń atqarǵan jumystaryna az-kem toqtalyp, áıelderge alǵys aıtty.

– Forýmǵa elimizdegi otbasy, genderlik, demo­grafııalyq saıasatqa tikeleı qatysy bar qyz-kelinshekterdi shaqyrdyq. Onyń ishinde komıs­sııa qurylǵaly beri ulttyq jáne óńirlik ko­mıs­sııanyń tóraǵasy bolǵan azamattarmen júzdes­kenimizge qýanyshtymyz. Komıssııa tóraǵa­sy retinde san salany damytýǵa, eldiń órken­deýine is júzinde qoldaý kórsetip júrgen qyz-kelin­shekterge rızamyz. Sondaı-aq otbasy qundy­lyǵy, bala quqyǵyn qorǵaý, áıel quqyǵy, teńdi­gine tikeleı qatysty birshama tolymdy is tyn­dyr­ǵandarǵa alǵys aıtqym keledi, – dedi A.Balaeva.

Osydan soń Astana qalasy áki­miniń orynbasary Eset Baıken áıel­derdi qoldaý baǵytynda iske asqan jumystardyń retin baıandady.

– Búginde Astana turǵyndary 1 mln 400 myńnan asty. Statıstıka boıynsha halyqtyń jartysynan kóbi – áıelder. Elordanyń qyz-kelinshekteri túrli salada tabandy eńbek etip, qalanyń áleýmettik-ekonomıkalyq, qo­ǵamdyq-saıası ómirine belsendi aralasady. 90 myńǵa shamalas shaǵyn jáne orta bıznesti qyz-kelinshekter basqarady. Memlekettik qyzmet salasynda eńbek etetin áıelderdiń de úlesi artyp keledi. 30 myńnan asa kópbalaly otbasylar nazarymyzdan tys qalmady. Sonymen qatar qala ákimdigi adamı kapıtaldy damytýǵa jáne áıelderdi áleýmettik qoldaýǵa Áıelder isteri jáne otbasylyq-demografııalyq saıasat jónindegi qalalyq komıssııa arqyly da erekshe kóńil bóledi. Mysaly, komıssııa byltyr 50-ge jýyq is-shara ótkizdi. Qıyn jaǵdaıǵa tap bolǵan júzdegen otbasyǵa qoldaý kórsetti. Áıelder kásipkerligin damytý baǵytynda da iske asyp jatqan jumystar kóp, – dep túıindedi E.Baıken.

Biri bilse, biri bilmes, 25 jylda Ulttyq komıssııa otbasylyq jáne genderlik saıasattaǵy ózekti máseleler boıynsha sharýalardy táp-táýir úılestirgen. Komıssııa men seriktesterdiń arqasynda áıelder, otbasy jáne balalar quqyǵyn qorǵaýǵa baǵyttalǵan júz­­degen tabysty joba men bas­ta­ma iske asqan. Ári komıs­sııa salaǵa qatysty mańyzdy she­shim shyǵarýmen shektelmeı, ony oryn­daıtyn biregeı organǵa aına­lyp úlgergen. Bul týraly «Amanat» partııasynyń hatshysy, Prezıdent janyndaǵy Áıel­der isteri jáne otbasylyq-demo­grafııalyq saıasat jó­nin­degi ulttyq ko­mıssııanyń múshesi Sholpan Ka­rınova, BUU-nyń Qazaqstandaǵy turaqty úılestirýshisi Mıkaela Frıberg-Storı jáne basqa da spıkerler aıtty. Komıssııanyń jumysyn madaqtap, belsendi áıelderge tabys tiledi.

Budan keıin forým TEDX for­ma­tynda jalǵasyp, eldiń áleý­met­tik-ekonomıkalyq, qoǵamdyq-saıası ómirine taýdaı úles qosyp júrgen belsendi, tanymal áıelder syr bólisti. Olar áńgimesin jetis­tik­ke jetý jolyndaǵy qıyn da qy­zyqty sátterden bastap, qazaq áıeld­eriniń asyl qasıeti jónin­de mazmundy oımen túıindep jat­ty. Izinshe komıssııa múshe­leri qonaqtardy áıelder quqyq­tary men otbasylyq qundylyq­tardy qorǵaý salasynda ynty­maqtastyqty nyǵaıtyp, birlesip jumys isteýge shaqyrdy.