S&P ahýaldy oń baǵalaıdy

Agenttik sarapshylary mem­le­ket­tik basqarýdaǵy jospar­lan­ǵan reformalar men ekonomıkalyq reformalar egemendi reıtıngtiń boljamyn ońynan kórsetetinin aıtady.

S&P sarapshylarynyń pikirinshe, qýat kózi men azyq-túlik baǵasynyń jahandyq tómendeýine qaramastan, ınflıasııalyq qysym saqtalyp otyr. 2024 jyly ınflıasııa orta­sha eseppen 8%-dy quraıdy, al 2026 jylǵa qaraı Ulttyq banktiń maq­satty deń­geıine sáıkes keletin 5%-ǵa de­ıin baıaýlaıdy. Agenttik sarap­taýynsha, 2015 jyly erkin qubyl­ma­­ly aıyrbas baǵamyna kóshý – qu­byl­­­malylyqtyń syrtqy faktorla­ry­na beıimdelýge kómektesti. 2023 jyldyń jeltoqsanynda dol­lar­­syz­dandyrý deńgeıi 23%-ǵa jetti. Turaqty aıyrbas baǵamy men ınflıa­sııa­nyń birtindep tómendeýi odan ári ósýdiń aldyn alýy kerek.

Sonymen qatar S&P sarapshylary ortalyq banktiń derbestigi men aqsha-kredıt saıasatynyń tıimdiligin arttyrý maqsatynda Ulttyq banktiń jańa nesıe jáne ekonomıkany qoldaý baǵdarlamalaryna qatyspaýǵa nıet­ti ekenin jetkizdi. Sarapshylar mem­­le­kettik shyǵystardyń ósýin azaıtýǵa baǵyttalǵan bıýdjettik ere­­je­lerdiń engizilýin oń baǵalady. Osy­laısha, Ulttyq qordan túsetin shy­ǵystar men transfertterdiń ósimin azaıtýǵa baǵyttalǵan Úkimet jos­pary memlekettik bıýdjettiń tap­shylyǵyn ustap turýǵa jáne halyq­aralyq rezervterdiń deńgeıin turaq­tan­dyrýǵa áser etýge tıis.