Saılaý barysymen tanysty

О́ńirlerge saparǵa Ortalyq saılaý komıssııasy apparatynyń jaýapty qyzmetkerleri de qatysty. Komıssııa mú­sheleri 4 jáne 6 naýryzda turaqty kási­bı negizde ókilettikterin júzege asyratyn osy óńirlerdiń bar­lyq deń­geıindegi aýmaqtyq saılaý komıs­sııalarynyń músheleri úshin semınar-keńester ótkizdi.

Semınar-keńester barysyn­da Konstantın Petrov 2024 jylǵy 31 naý­ryzǵa taǵaıyndalǵan máslı­hat­tar­dyń shyǵyp qalǵan depýtattarynyń ornyna saılaýdy daıyndaý jáne ót­kizý erekshelikteri týraly aıtyp berdi. Sonymen qatar ol saılaý jáne saılaýaralyq kezeńderde turaqty kási­bı negizde ókilettikterin júzege asyratyn saılaý komıssııalary músheleriniń qyzmeti, saılaý úderisin tutastaı uı­ym­dastyrý, saılaýshylar tizimimen júıeli jumys, saılaý úderisiniń bar­lyq qatysýshymen ózara is-qımyl máse­lelerin belgiledi.

Sábıla Mustafına saılaý úderisine qatysýshylarǵa elektorattyq oqytýdy uıymdastyrý men qaǵıdattaryn, saılaýdy uıymdastyrýshylardyń eń­begine aqy tóleýdi, uıymdastyrý má­se­lelerin qarjylandyrýdy, bıýd­jet­tiń atqarylýy men iske asyrylýy­n qamtıtyn saılaýdy memlekettik qar­jylandyrý máselelerin túsindirdi.

Is-sharalar aıasynda OSK app­ara­­ty­nyń bólim meńgerýshileri Áıge­rim Tájıeva, Gúlnaz Kembaeva ASK mú­shelerin saılaýdy uıymdasty­rý­shylardy oqytý nysandary jáne ádisterimen, máslıhat depýtattyǵyna kandıdattardy saılaý aldyndaǵy úgitti memlekettik jáne memlekettik emes qarjylandyrýmen jan-jaqty tanystyrdy, sondaı-aq qatysýshylar úshin testileý ótkizdi.

Semınar-keńesterdiń ekinshi bó­liminde óńirlerdiń ASK músheleri saılaý zańnamasyna sáıkes saılaý tájirıbesi men olardyń praktıkalyq sheshim­­deri negizinde keıstik jaǵdaı­lardy pysyqtaı otyryp, daýys berý kúni boıynsha tájirıbelik sabaqtar uıymdastyrdy. Bul rette, OSK mú­she­leri negizgi sarapshylar boldy.

Sondaı-aq jumys sapary aıasynda Konstantın Petrov pen Sábıla Mus­tafına Shyǵys Qazaqstan obly­synyń Ulan aýdany men Abaı obly­synyń Jarma aýdanynyń aýmaqtyq saılaý komıssııalaryna bardy. Ko­mıssııa músheleri máslıhattardyń shy­ǵyp qalǵan depýtattarynyń ornyna saılaýdy ótkizý jónindegi saılaý naýqanynyń barysymen, sondaı-aq saılaý komıssııalary músheleriniń daýys berý kúnine daıyndyǵymen tanysty.