Qazaqstan ulttyq telearnasyna suhbat bergen dinbasy orazaǵa qatysty dúnıelerge jan-jaqty toqtaldy.
«Ata-babalardan bizge jetken, dinimiz Islammen sabaqtasyp ketken salt-dástúrlerimiz bar, Qudaıǵa shúkir. Sony saqtap qalý maqsatynda kóp jumys atqarylyp jatyr. Jaqynda ǵana «Babalar izimen: Qazaq dalasyndaǵy musylmandyq mektep» kitaby jaryq kórdi. Bizge Islam qashan keldi, ony babalarymyz qalaı ustady, qandaı baǵytta júrdi? Osynyń barlyǵy sol jerde kórsetilgen. Osy kitaptar elimizge keńinen tarap jatyr. Dástúrdiń qundylyǵy aıasynda Orazaǵa qatysty dúnıelerdi aıttyq. Mysaly, Orazaǵa qatysty syrttan kelgen sózder bar. Mysaly, sáresin biz sáresi dep keldik, keıbir jastarymyz ony «sýhýr» dep ketti», deıdi Naýryzbaı qajy Taǵanuly.
Bas múftı kúndelikti ómirde shet tilindegi sózdi qosyp sóıleý beleń alyp bara jatqanyn aıtty. Sonymen qatar ıftar emes, aýyzashar dep aıtýǵa úndedi.
«Bireýler ıftar dep aıtyp ketti. Keıbir sózderdi aǵylshyn tilinde aıtyp jatady. Kórshiles orys tilinde aıtylatyn sózder bar. Biraq biz ózimizdiń ulttyq qundylyqtarymyzdy dáripteıik degen maqsatta osy úndeýdi aıtyp otyrmyz», deıdi Naýryzbaı qajy Taǵanuly.
