Foto: akorda.kz
Qurmet qaraýyly rotasynyń bastyǵy prezıdentterge raport berdi. Qazaqstan men Ázerbaıjannyń memlekettik ánurandary shyrqalǵannan keıin Qasym-Jomart Toqaev pen Ilham Álıev bir-birine resmı delegasııa múshelerin tanystyrdy.
Saltanatty rásimnen soń prezıdentter shaǵyn quramda kelissóz júrgizdi.
Qasym-Jomart Toqaev Ilham Álıevti Ázerbaıjan Prezıdenti saılaýyndaǵy aıqyn jeńisimen jáne bıyl Bakýde SOR 29 sammıtin ótkizý múmkindigine ıe bolýymen quttyqtady.
Prezıdent Qazaqstan men Ázerbaıjan yntymaqtastyǵynyń mazmuny baıyp, birlesken iri jobalarmen tolyǵa túskenin jáne qarqyndy damyp kele jatqanyn joǵary baǵalady.
О́z kezeginde Ázerbaıjan Prezıdenti Qazaqstanmen aradaǵy baýyrlastyq baılanystardyń bekı túskenin aıtty.
Kelissóz barysynda taraptar saýda-ekonomıkalyq, kólik-tranzıttik, energetıkalyq, mádenı-gýmanıtarlyq yntymaqtastyq, sondaı-aq sıfrlandyrý, azyq-túlik qaýipsizdigi jáne jańartylatyn energııa kózderi salalaryndaǵy yqpaldastyq máselelerin talqylady.
Sonymen qatar eki el ekonomıkasynyń damýyna tyń serpin beretin ınvestısııalyq jobalardy iske asyrý perspektıvasy qarastyryldy.
