Foto: sports.kz
Ulttyq komandamyzdyń bas bapkeri Iýrıı Melnıchenko: «Bolgarııada orta deńgeıdegi balýandar bas qosty. Arasynda úzdikter de joq emes. Nátıjesi kóńilimnen shyqty. Al Túrkııada álemniń beldi balýandary túgeldeı derlik jınaldy. Dúbirli dodada eki balýanymyz qolaǵa qol sozdy. Ásirese meni Temirlan Shadýkaevtyń óneri qýantty. Negizinde Antalıaǵa sapar shekkenderdiń deni – elimizdiń ekinshi nómirli balýandary. Al olımpıadalyq salmaqtaǵy úzdikterdiń barlyǵy da qazirgi kezde Bishkektegi lısenzııalyq týrnırge qyzý daıyndalyp jatyr. Sol sebepti de birinshi nómirli balýandardyń alańsyz daıyndalýyna múmkindik berdik», dep óz oıyn túıindedi.
Esterińizge sala keteıik, Túrkııada Meırambek Aınaǵulov (60 kg) pen Temirlan Shadýkaev (77 kg) qola medal jeńip aldy. Bolgarııada Marlan Muqashev (55 kg), Dıas Áskerbaı (63 kg) jáne Ádilhan Sataev (72 keli) jeńimpaz atansa, Muhammedálı Mamyrbek (63 kg), Mereı Bekenov (67 kg), Azat Sadyqov (77 kg) jáne Tarlas Áshirhanov (82 kg) úshinshi oryndy enshiledi.
