foto: ashyq derekkóz
«Bıylǵy qańtar-aqpan aılarynyń qorytyndysy boıynsha el ekonomıkasy 4,2%-ǵa ósti. Naqty sektorda oń dınamıka baıqalýda. Naqty sektor – 5,1%-ǵa, al qyzmet kórsetý salasy 3,5%-ǵa artty. Salalar arasynda eń joǵary ósimdi qurylys, aqparat jáne baılanys, kólik jáne qoımalaý, sondaı-aq óńdeý ónerkásibi kórsetti. Negizgi kapıtalǵa salynǵan ınvestısııalardyń ósýi 7,9%-dy qurap, qańtardaǵy 0,6%-ǵa qaraǵanda aıtarlyqtaı jedeldedi», dedi vedomstvo basshysy.
Mınıstrdiń aıtýynsha, ınvestısııalar kólemi qurylysta – 2,7 esege, bilim berý – 56%-ǵa, kólik jáne qoımalaýda – 47%, aqparat jáne baılanysta – 45%, óńdeý ónerkásibinde – 37%, aýyl sharýashylyǵynda 12%-ǵa ósti.
Sonymen qatar óńirler arasynda eń joǵary ósim Qyzylorda, Túrkistan, Jetisý oblystarynda, sondaı-aq Astana qalasynda baıqaldy. Aqmola, Atyraý jáne Mańǵystaý oblystarynda ınvestısııa kóleminiń tómendeýi baıqalady. Aldyn ala qorytyndy boıynsha bıylǵy qańtarda syrtqy saýda taýar aınalymy 10 mlrd dollardan asty.
