Foto: primeminister.kz
Qazirgi ýaqytta «Kazakh Invest» jalpy quny 27,3 mlrd dollardy quraıtyn 200 jobaǵa qoldaý kórsetip otyr. Atalǵan is-sharalar aıasynda 68,8 myń jumys ornyn qurý kózdelgen. Bıyl sheteldikterdiń qatysýymen 40-tan astam joba iske qosylady dep kútiledi.
Olardyń ishinde eń mańyzdylarynyń biri – Astana qalasynda ornalasqan amerıkalyq «GE Healthcare» kompanııasynyń medısınalyq qural-jabdyqtaryn shyǵaratyn kásiporny. Joba sheńberinde ÝDZ jáne KT apparattarynyń óndirisi lokalızasııalanady. Bul otandyq aýrýhanalardy qamtamasyz etip qana qoımaı, bolashaqta basqa elderge eksportty jolǵa qoıýǵa múmkindik beredi. Sonymen qatar kompanııa respýblıkanyń densaýlyq saqtaý júıesindegi kadrlardyń biliktiligin arttyrýǵa bilim baǵdarlamalaryn uıymdastyrýdy josparlap otyr.
Sondaı-aq shveısarııalyq «Roche» kompanııasy aldaǵy ýaqytta eksportqa shyǵý perspektıvasymen Almatyda isikke qarsy preparattar óndirisin iske qosady.
Aýstrııalyq «Lasselsberger» kompanııasy Astanada keramıkalyq plıtkalar, qurǵaq qurylys qospalary men qurylys jelimderi óndirisin lokalızasııalap jatyr. Jańa zaýyttyń ashylýy 200-den astam jumys ornyn qurýǵa múmkindik beredi jáne Qazaqstan naryǵynyń osy ónimderdegi ımportqa táýeldiligin tómendetedi.
Premer-mınıstrdiń tapsyrmasy boıynsha «Kazakh Invest» aldaǵy jumysynda astyqty tereń óńdeý, plastmassanyń suranysqa ıe túrlerin óndirý, munaı-gaz jabdyqtaryn jáne ımport kólemi joǵary basqa da taýarlardy oqshaýlaý boıynsha keleshektegi jobalarǵa ınvestorlar tartýǵa basymdyq beretin bolady.
«Memleket basshysy 2029 jylǵa qaraı ekonomıka kólemin 450 mlrd dollarǵa deıin ulǵaıtý mindetin qoıdy. Sondyqtan iri ınvestorlardy izdeý jáne olardy elimizge tartý boıynsha jumysty kúsheıtý kerek. Bul oraıda batyl ári jańashyl sheshimder qajet», dep atap ótti Premer-mınıstr.
