Astanada 12 naýryzda ótken sottyń aldyn ala tyńdaýynda sot kúdikti Bıshimbaevtyń isti alqabıler sotynda qaraý týraly ótinishin qanaǵattandyrý qajet dep sheshti.
Sýdıa Aıjan Qulbaeva Qýandyq Bıshimbaevtyń isin prokýrorǵa qaıtarýdan bas tartylatynyn da málimdedi. Sonymen birge Bıshimbaev tarapynyń isti «Abaısyzda kisi óltirý» babyna aýystyrý týraly ótinishi de maquldanbady.
Sot Bıshimbaevtyń Saltanat Núkenovany uryp-soqqany túsirilgen vıdeony alyp tastaý, tergeý eksperımentin júrgizý, Núkenovanyń ákesine jáne basqa da birqatar adamǵa psıhıatrııalyq saraptama taǵaıyndaý týraly ótinishti de qanaǵattandyrmady. Munyń bári Bıshimbaevtyń qorǵaýshylarynyń sotqa qoıǵan talaby edi.
Eske salaıyq, 11 naýryzda Qýandyq Bıshimbaev isti alqabılerdiń qatysýymen ótkizý týraly ótinish aıtqan.
