Alıment tólemegen áke

Almaty qalasy Jeke sot oryn­­daýshylary óńirlik pala­ta­­synyń basshysy Aıdyn Qaı­da­rovtyń aıtýynsha, qazirgi ýaqytta qalada alıment óndirip alýǵa qatysty 18 myńnan astam is qaralyp jatyr. Neǵurlym tıimdi jumys isteýge keıbir alı­ment mindettemelerin oryndaýdy ǵana pysyqtaıtyn 10 maman­dandyrylǵan keńse qurylǵan. Aıtalyq, shaharda eń úlken alıment boıynsha bereshek búginde 63 mıllıon teńgeni quraıdy.

«О́kinishtisi, statıstıka alı­ment tóle­meýdiń kóptegen jaǵ­da­ıyn kórsetedi. Maqsatymyz – máseleniń zańdy jaǵyn qam­ta­ma­syz etý ǵana emes, sonymen qatar qoǵamnyń nazaryn osy ózekti máse­lege aýdarý. Máseleni retteý­de sıfrlyq baqylaý júıesi­niń kómegine júginip, qoǵamdyq uıymdarmen birlese jumys istep kelemiz. Bereshegi úsh aıdan asatyn 1 myń problemalyq is bar. Alıment tólemeıtinder kóbine óz áreketterin turaqty jumystyń joqtyǵymen dáleldeıdi, osyǵan baılanysty TJK tarapynan qa­maýǵa alý jáne shekteýler túrinde máj­búrlep oryndaý sharalaryna ushy­raıdy», deıdi A.Qaıdarov.

Almaty qalalyq Ádi­let de­par­tamenti sot oryn­daý­shy­la­ry­nyń qyzmetin retteý jáne baqylaý bóliminiń basshysy Ánýar Jeksekov boryshkerlerden alıment óndirý barysynda qıyndyq týdyratyn birneshe sebepti atady.

«Kúsh-jigerimizge qara­mas­tan, alıment máselesin sheshý mem­le­kettik jáne jeke ınstı­týt­tardyń, sondaı-aq búkil qo­ǵam­nyń birlesken kúsh-jigerin talap etedi. Bul – otbasylyq qundylyqtar men balalar ál-aýqatynyń negizderine qatysty másele. Elimizde turmysy tómen otbasylardyń basym bóligin alıment almaıtyn shańyraq qurap otyr. Neke (erli-zaıyptylyq) jáne otbasy týraly kodekstiń 138-babyna sáıkes ata-analar kámeletke tolmaǵan balalaryn asyraýǵa mindetti. Mazmun berý tártibin ata-analar derbes aıqyndaıdy. Palata boryshkerler arasynda Balalardy asyraý jáne alıment tóleýdiń túrli tásili týraly kelisim jasasý múm­kin­digin túsindirý jumys­ta­ryn júrgizedi», deıdi maman.

A.Qaıdarov Almatyda boryshker jasaǵan medıatıvtik kelisim aıasynda úsh bólmeli páterdi alıment boıynsha iri bereshekti óteý esebine berý de buryn-sońdy bolmaǵan jaǵdaı ekenin atap ótti. Sondaı-aq taǵy bir boryshker páterdegi úlesiniń jartysyn alıment esebine bergen. Boryshkerden múlikti májbúrlep alyp qoıý mysaldary da kóp kezdesedi. Taıaýda kezekti boryshkerdiń birinen «Leksýs-570» avtokóligi tárkilense, jyl basynan beri alıment tólemegen 10 azamattyń kóligi aıyp turaǵyna qoıylǵan.

Uzaq ýaqyttan beri óz bala-shaǵasyna tıisti kómek kórse­týden qalys qalǵan azamat­tar­dyń júrgizýshi kýáligin toq­tata turý tıimdi nátıje kór­set­ken. Almaty qalasynyń jeke sot oryndaýshylar palatasy alı­ment­terdi óndirip alý boıynsha aksııalar ótkizedi. Sonyń ishinde brıfıngter men zańnamadaǵy ózgeristerdi túsindirý, jumyssyz boryshkerlerdiń tizimin jasaý jáne eńbek bırjalary, bos oryndar jármeńkesi arqyly olardyń jumysqa ornalasýy­na kómektesý máseleleri naqty qolǵa alynǵan. Mamandar alıment máselesin ońtaıly sheshý tek birlesken kúsh-jigerdiń nátıjesinde júzege asatynyn aıtady.

ALMATY