Mal azyǵynyń sapasyn arttyratyn ónim

Sol ashytqyny maldyń jemazy­ǵy­na qosyp berse de paıdaly bolady eken. Anyqtamaǵa qaraǵanda joǵary tıimdi ashytqy kombınasııasyn jemazyqqa qosyp berse, janýarlar men qustardyń ımmýndyq qasıeti artyp, túrli aýrýǵa qarsy tura alady jáne tezirek et alyp, kúılenedi eken. Bel­sendi ashytqyny shópke, sabanǵa, jemge qosyp berse, jemazyqtyń dámi de jaqsaryp, maldyń tábeti artatyn kórinedi. Maldyń, qustyń ımmýndyq qasıetin kótergen soń, ony antıbıotık, ferment, amındi qyshqyl jáne dárýmenderdiń ornyn toltyrýshy dep qarastyrýǵa bolady.

Aqpan aıynda Petropavl qala­syn­da ótken «Qyzyljar Investment Forum» atty ekonomıkalyq jıynda «Soltústik» əleýmettik-kəsipkerlik korporasııasy, «Qyzyljar» arnaıy ekonomıkalyq aımaǵy ókilderi men ınvestorlar arasynda quny 128 mlrd teńgeni quraǵan 14 memo­ran­dým­ǵa qol qoıylǵan. Sonyń biri – Italııanyń Mılan qalasyna jaqyn ornalasqan bıotehnologııalyq ónim­der shyǵaratyn «Prosol» kompanııasy. Qazir bul kompanııa Qytaı jəne Amerıka naryǵyna shyǵýdy josparlap otyr.

«О́ndiristi keńeıtý úshin «Qyzyl­jar» arnaıy ekonomıkalyq aı­ma­­ǵynda zaýyt qurylysyn salýdy qolǵa aldyq. Onda belsendi jem­azyq­tyq ashytqy óndiriledi», deıdi kompanııanyń o­tandyq dırektory Syrym Ábilǵazıev.

«Prosol Bioteh Kazakhstan» kompanııasy 2023 jyldyń qarasha aıy­nan beri «Qyzyljar» AEA-da rezıdent bolyp tirkelgen. Olar 2024 jyl­dyń ekinshi toqsanynda jylyna 3 myń tonna jemazyqtyq belsendi ashytqy ón­diretin zaýyt qurylysyn basta­maq­shy. Qurylysty 2025 jyly aıaqtaý josparlanǵan. Quıylatyn ınvestısııa kólemi – 2 mlrd teńge. «Qyzyljar» AEA aýmaǵynan jańa zaýyt úshin 3 gektar jer berilmek. Jańa zaýyttyń ashylýy arqasynda 40 adam jumyspen qamtylady.

Kásipkerlik jáne ındýstrıaldyq ınnovasııalyq damý basqarmasynyń basshysy Eldar Ysmaǵulovtyń aıtýyna qaraǵanda, zaýyt ónimderi otandyq fermerler men sheteldikterge satylady. Quramyndaǵy proteın men beloktardyń kóptiginiń arqasynda mal tóli tez ósip, jedel shıraıdy. Qustardyń jumyrtqalaýy artady. Terisinen qundy eltiri ılenetin qundyz sııaqty sý ańdary da osy ashytqynyń arqasynda tez jetil­mek. Ashytqyny jemazyq retinde balyqqa da berýge bolady. Jemazyqtyq ashyt­qy­nyń shıkizaty – qyzylshanyń sir­nesi.

«Qyzyljar» AEA-da zaýyt salý týraly sheshimge kelgen sebebimiz – munda logıstıkalyq jaǵdaı tartymdy ári shıkizat kózine jaqyn ornalasqan. Bizdiń kompanııamyz – bıotehnologııanyń ashytqy óndirý salasy boıynsha álemdegi kóshbas­shy­lardyń biri. Tirek zaýytymyz Italııanyń Mılan qalasynyń túbinde ornalasqan. О́nimderimizdi álemniń 50 elinde satamyz. Bolashaqta Qytaı men AQSh naryǵyna shyǵýdy mejelep otyrmyz. Ásirese Qytaı naryǵy qyzyqtyrady. Petropavlda zaýyt ashý arqyly osy maqsatymyzdy iske asyrǵymyz keledi», deıdi S.Ábilǵazıev.

Sonymen qatar ol Qazaqstanda agro­ónerkásiptik keshenniń keńinen da­myǵany da ınvestordyń qyzyǵýshy­lyǵyn týdyrǵanyn aıtty.

«О́nimdi alýshy da, shıkizat kózi de dál janymyzda ornalasqan. Alys shetelge shyǵarmaq bolsaq, temirjol men tasjol bar. Infraqurylym joǵary deńgeıde damyǵan. Sondyqtan kásiporyn salý biz úshin óte tıimdi. Kásiporynǵa tek jergilikti kadrlardy ǵana jumysqa alamyz. Olardy oqyp-úıretý úshin Soltústik Qazaqstan ýnıversıtetimen kelisimshart jasaımyz», dep túsindirdi.

PETROPAVL