Kallýmmen kúsh synasady

23 jastaǵy Kallým 2021 jyldyń so­ńynda kásipqoı rıngtegi tusaýkeser kez­desýin ótkizdi. Sol aralyqta toǵyz ret rıng­ke shyǵyp, barlyǵynda jeńiske jetti. Jeti básekeni merziminen buryn aıaqtady. Byltyr ǵana tórt jekpe-jek ótkizgen Ýolsh amerıkalyq Ýeslı Taker, Karson Djons, Ismael Vılıarreal jáne argentınalyq Hýan Hose Velasony utty. Ataqty bapker Freddı Roýchtiń qol astynda jattyǵatyn Irlandııanyń boksshysy qazirgi kezde birinshi orta salmaqtaǵy WBC USA Silver nusqasynyń chempıondyq ataǵyn ıelengen.

Al Olımpıada men álem chempıony, Azııa oıyndarynyń eki dúrkin jeńimpazy Danııar Eleýsinovtiń týǵan aǵasy Dáýrenniń de áýesqoılar arasynda qol jetkizgen tabysy bir tóbe. Kásipqoı rıngte 15 márte aı­qasqan ol 11 ret basymdyq tanytyp, 10 qar­sylasyn nokaýtqa jiberdi. Úsh ret uty­lyp, taǵy bir básekede teń esep tirkeldi. Ýolsh pen Eleýsinov arasyndaǵy jekpe-jekte WBC Continental Americas nusqasynyń altyn belbeýi sarapqa salynady.