Foto: primeminister.kz
El aýmaǵynan suıytylǵan munaı gazyn shyǵarýǵa tyıym salý 6 aı merzimge uzartyldy. Buǵan deıin tyıym shekara mańyndaǵy elderge suıytylǵan munaı gazyn shyǵarý jáne ishki naryqta tapshylyqtyń týyndaýyn boldyrmaý maqsatynda salynǵan bolatyn.
Bıdaıdy avtomobıl, temirjol, sondaı-aq sý kóligimen ákelýge tyıym salý taǵy jarty jylǵa uzartyldy. Elimizge bıdaıdy Reseı Federasııasynyń shekaralas aımaqtarynan ákelýdiń jáne ony avtomobıl kóligimen keri eksporttaýdyń «shemalaryn» iske asyrý qaýpi áli de saqtalyp otyr. О́z ónimderin óndirý jáne tutyný úshin un tartatyn jáne qus ósiretin kásiporyndarǵa temirjol arqyly tasymaldaýǵa erekshe jaǵdaılar jasaldy. Ákelinetin bıdaıdy ishki jáne syrtqy naryqtarda satýǵa bolmaıdy.
Sondaı-aq qytaılyq moıyntirekter óndirýshileri men úndistandyq elektrodtar óndirýshilerine qatysty dempıngke qarsy sharalardy 5 jylǵa uzartý maquldandy. Bul sharalar uqsas taýarlardyń otandyq óndirýshilerin qorǵaý úshin qabyldandy. Moıyntirekter úshin dempıngke qarsy baj salyǵy taýar qunynyń 31,3-41,5%-yn, grafıttelgen elektrodtar úshin 16,04-32,83%-yn quraıdy.
