Foto: Assambleıanyń Qyzylorda oblystyq baspasóz qyzmeti
Merekeni Qyzylorda oblystyq Qazaqstan halqy assambleıasy janyndaǵy «Assambleıa jastary» uıymynyń belsendileri dál osylaı qarsy aldy. Olar bul kúni «Naman Ata» sporttyq kesheninde qazaqtyń ulttyq oıyndaryn dáriptep, saıysqa tústi.
«Memleket basshysy Qasym-Jomart Kemeluly «Biz qazirgi zamannyń jaqsy qasıetterin boıǵa sińire otyryp, ulttyq bolmysymyzdy jańǵyrtýǵa tıispiz» dep atap ótken bolatyn. Osy rette mereke qarsańynda óńirlik «Assambleıa jastar» uıymy - ulttyq bolmysty jańǵyrtýǵa úles qosyp jatyr. Ulttyq oıyndardyń biri sadaq atýdy damytý, ult rýhanııaty men saýlyǵyna janashyrlyq dep bilemiz», dedi «Qoǵamdyq kelisim» KMM dırektorynyń orynbasary Aıbek Daırabaı.
Al sadaq atýdan jarystarda júldeli oryndarǵa ıe bolyp júrgen «Assambleıa jastary» uıymynyń belsendisi Veronıka Rýslanovanyń aıtýynsha sadaq atý – omyrtqany shynyqtyryp, onyń túrli dertke shalynýynyń aldyn alady.
Saıysqa onnan asa etnos jastary qatysty. Sadaqshylar 10 metrden 25 metrge deıingi qashyqtyqta mergendik sheberlikterin tanytty. Aıta ketý kerek, etnos jastary sadaq atýdan bólek arqan tartý, asyq oınaýdan da jarysqa tústi.
Úzdik mergenderge arnaıy dıplomdar men syılyqtar tabystaldy.
