- Qurmetti azamattar! Memleket basshysy «Adal adam – Adal eńbek – Adal tabys» ulttyq quryltaıynyń úshinshi otyrysynda nasybaıdy paıdalaný eń zııandy jáne uıatty ádetterdiń biri ekenine nazar aýdardy. Nasybaı antısanıtarııalyq jaǵdaıda qoldan jasalady. Onyń quramynda ártúrli aýrýlardy, sonyń ishinde qaterli isik aýrýyn týdyratyn zattar bar. Qazirgi ýaqytta «Halyq densaýlyǵy jáne densaýlyq saqtaý júıesi týraly» kodeksinde shegilmeıtin temeki ónimderin, onyń ishinde nasybaıdy ákelýge, óndirýge, satýǵa jáne taratýǵa tyıym salý kózdelgen, - dedi departament bastyǵy – IIM resmı ókili Shyńǵys Alekeshev.
Ol shegilmeıtin temeki ónimderin zańsyz satqany úshin 25 AEK nemese 92 myń teńgeden astam mólsherde aıyppul kózdelgenin aıtty. "Zań men Tártip” qaǵıdatyn qamtamasyz etý maqsatynda ishki ister organdary qoǵammen birlesip, 18-31 naýryz aralyǵynda respýblıkalyq jedel-profılaktıkalyq is-sharasyn ótkizbek.
- Aksııa barysynda halyqqa nasybaıdy tutynýdyń zardaby jáne kásipkerlerge ony satýǵa jol bermeý týraly quqyqtyq túsindirý jumystary júrgiziletin bolady. Saýda erejelerin buzý faktileri anyqtalǵan jaǵdaıda kináli tulǵalar jaýapqa tartylatyn bolady.
Veıpter men shegilmeıtin temeki ónimderin ákelý, óndirý, satý jáne taratý úshin qylmystyq jaýapkershilikti engizý týraly zań jobasy Qazaqstan Respýblıkasy Parlamentiniń qaraýynda ekenine nazar aýdaramyn. Qurmetti azamattar, atalǵan shara birinshi kezekte ult bolashaǵy – jastardyń densaýlyǵyn saqtaýǵa baǵyttalǵan, – dedi Shyńǵys Alekeshev.
