Kórmege Pavlodar qalasyndaǵy Balalar kórkemsýret mektebi men Aqsý qalasyndaǵy óner mektebi oqýshylary atsalysty.
Kórmege kelýshiler jas sýretshilerdiń halyq dástúrlerin beıneleıtin peızajdar, kompozısııalar, ulttyq naqyshta salynǵan kartınalaryn tamashalady.
Jumystar ár túrli dástúrli jáne dástúrli emes ádistermen, akrıldy keskindeme, kıiz basý, ystyq batık, kıiz, qurǵaq jáne dymqyl kıiz basý tehnıkasynda oryndalǵan.
«Kórmege eki mektepten 80-nen astam jumys usynyp otyrmyz. Bul degenimiz jas sýretshilerimizdiń mádenıetke, ónerge jáne ulttyq qundylyqtarǵa degen qyzyǵýshylyqtaryn arttyrý. Ulttyq ádet-ǵuryptar men salt-dástúrlerdi nasıhattaý», dedi balalar kórkem sýret mektebi basshysynyń orynbasary Gúlnár Mýhametkalına.
