«Barshańyzdy aldaǵy Naýryz merekesimen quttyqtaımyn! Ata-babalarymyz «Otan otbasynan bastalady» dep beker aıtpaǵan. Adam boıyndaǵy ıgi qasıetter shańyraqtan bastaý alady. О́ńirimizde memleket tarapynan otbasy ınstıtýtyn nyǵaıtýǵa basa nazar aýdarylyp jatyr. Qazirgi tańda oblys boıynsha 14 myńǵa jýyq kópbalaly ana bar, onyń ishinde 6 558 áıel «Altyn alqa», «Kúmis alqa», «Batyr ana» belgisine ıe. Oblysymyzda 5 «Otbasy ortalyǵy» jumys istep tur. Bıyl taǵy 3 aýdanda osyndaı ortalyq ashýdy josparlap otyrmyz», dedi oblys basshysy.
Narıman Tóreǵalıuly Atyraý qalasynda ótken úshinshi Ulttyq quryltaıda Memleket basshysy Qasym-Jomart Kemeluly Toqaevtyń ulttyń jańa kelbetin aıqyndaıtyn negizgi qundylyqtar týraly aıtqan sózine toqtaldy.
«Prezıdentimiz Ulttyq quryltaıda atap ótken otanshyldyq, birlik, yntymaq, ádildik, jaýapkershilik, eńbekqorlyq qundylyqtary otbasydan bastaý alady. Sondyqtan urpaq tárbıesine aıryqsha mán berýimiz kerek», dedi ákim.
Is-sharaǵa jýyrda otaý qurǵan jas otbasylar da qatysty. Aǵa býyn ókilderi jastar aldynda sóz sóılep, ómirlik keńesterimen bólisti.
