Foto: nu.edu.kz
Jıynda Abaıdyń Otyz segizinshi qarasózi taldanyp, hakimniń «Tolyq adam» tujyrymdamasy boıynsha suhbat órbidi. G.Qurmanbaı tehnıkalyq mamandyq boıynsha bilim alyp jatqan stýdentterdiń uly oıshyl murasyna jańa kózqaraspen qaraý kerektigin aıtyp, osy joldaǵy S.Ybyraı eńbegine úlken baǵa berdi.
– Otyz segizinshi qarasóz – Abaı danalyǵynyń bıik shyńy. Basqa ǵylym salasynda júrip, Abaı álemine kelý, onyń eń kúrdeli qarasózin túsiný – úlken jeńis. Bul kisilerdiń qabyldaýy, kórýi gýmanıtar ǵalymdardan góri erekshe. Sondyqtan Sultan Ybyraı aqynnyń álemine ári qaraı súńgip, tehnıkalyq ǵylymmen jáne Quranmen baılanysyn tereńdetip zerttep júr, – dedi G.Qurmanbaı.
Kesh qonaǵy árbir qazaqqa Abaı bolý paryz emes, biraq danyshpan sýsyndaǵan rýhanı bastaýlar qazaqtyń el bolyp qalyptasýynyń negizgi alǵysharty ekenin aıtty.
– Birinshi – ulttyq bastaý, ekinshi – ıslam, úshinshi – Batystyń ǵylymy men tehnologııasy. Bul ıslamdaǵy din men ǵylym egiz degen sózben jáne Qurandaǵy Allanyń «...Sondaı-aq bir-birińdi tanýlaryń úshin senderdi ulttar, rýlar qyldyq», – (49:13) degen aıatyn qýattaıdy. Bir qyzyǵy, kez kelgen memleket nemese adam osy sózde Abaı keltirgen úsh sıpat ádilet, ǵylym, meıirimdi basshylyqqa alsa, orasan tabysqa jetedi. Bul úsheýi – jeke tulǵanyń ǵana ustanymy emes, jalpy ulttyq ıdeıa negizi, memleketimizdi ushpaqqa shyǵaratyn, muratqa jetkizetin qaǵıda, – deıdi Sultan Ybyraı
Nazarbaev ýnıversıtette bilim alyp jatqan bolashaq ınjenerler, elektrıkter, robottehnıkter, geologterdiń «Tolyq adam» bolyp qalyptasýlaryna ádebıetshi, fılosof ári radıotehnık ǵalymnyń ınnovasııalyq kózqarasy men ǵylymı tujyrymdary erekshe áser qaldyrdy.
Bekzat QULShAR,
L.N.Gýmılev atyndaǵy EUÝ stýdenti
