Aımaqtar • 18 Naýryz, 2024

Baýyrsaq party

300 ret

kórsetildi

1 mın

oqý úshin

Jurtshylyq asyǵa kútken kógildir kóktemniń uly merekesi – áz Naýryz Qonaev qalasynda da keń kólemde bastaldy. Qala jurtshylyǵy «Kórisý kúnin» aıryqsha atap ótti. Ulttyq salt-dástúrimizben qatar, ulttyq taǵamdarymyzdy nasıhattaý maqsatynda «Baýyrsaq party» uıymdastyrylyp, qala qonaqtaryna dámi til úıirer 2000 keli baýyrsaq pisirilip, úlestirildi.

Ulbosyn ISABEK

Atalǵan is-shara mádenıet qyzmetkerleriniń uıytqy bolýymen qalalyq kitaphanada ótti. Budan bólek, Sheńgeldi jáne Arna aýyldarynda da uıymdastyrylyp, turǵyndardyń bereke-birligin pash etti. Igi bastamadan kásipkerler de qalys qalmaı, dámhanalarǵa kelýshilerge ystyq baýyrsaq usyndy. Sóıtip tós qaǵysyp, qutty bolsyn aıtysyp, arqa-jarqa bolǵan mereke kúni Qonaev qalasy turǵyndaryna barlyǵy 2000 keli baýyrsaq taratyldy.

«Arna aýylynda ótken «Baýyrsaq party» kórisý rásimine ulasty. Qazaqy mádenıetten syr shertetin rásimge aýyl halqy qýana qatysyp, belsendilik tanytty. Jurt baýyrsaq jep, naýryz kójeden de dám aýyz tıdi. Dúbirli toı ónerpazdardyń án-jyr men bı shashýyna jalǵasty. Mereke sońynda Oraza ustaǵan jamaǵatqa qatymhanada aýyzashar da berildi», deıdi Qonaev qalasy ákimdiginiń baspasóz qyzmeti.