Demalys ornynyń qazyǵyn qaǵýǵa oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıev, aýdan ákiminiń orynbasary Marat Janesen jáne aýyl aqsaqaldary qatysyp, ıgi is-sharaǵa muryndyq bolǵan el aǵalaryna alǵysyn bildirdi. Aýyl aqsaqaldary aq batasyn berip, sáttilik tiledi. Is-shara barysynda saıabaqtyń sánine aınalar aǵash kóshetteri otyrǵyzyldy. Búginde aýyl ákimdigi tarapynan 70 sottyq jerge qujattardy rásimdeý jumystary aıaqtalǵan. Saıabaq aýmaǵy tolyǵymen qorshalyp, abattandyrylyp, bir buryshynan balalar oıyn alańshasy boı kóteredi. Demalýshylarǵa arnalǵan oryndyqtar qoıylyp, túngi jaryqshamdar ornatylady. Kásipkerdiń aıtýynsha, saıabaq qurylysyna, shamamen 50 mln teńge qarjy jumsalmaq.
Jalpy aýdan aýmaǵyndaǵy 15 aýyldyq okrýg jáne kent aýmaqtarynda kóktemgi aǵash egý aksııalary ótip jatyr. Al oblysta ótken jyly 1 mıllıonnan asa kóshet otyrǵyzyldy. Sonyń ishinde Túlkibas aýdanynda 80 myńǵa jýyq aǵash egilgen bolatyn. Bıyl kóktem aılarynda oblys boıynsha 500 myńnan asa kóshet otyrǵyzý josparlansa, Túlkibas aýdanynyń aýmaǵynda 32 myńǵa jýyq aǵash kóshetteri otyrǵyzylady. Kúz aılarynda bul jumystar jalǵasyp, qosymsha 33 myń aǵash kóshetterin otyrǵyzý kózdelip otyr.
Sondaı-aq Naýryznama onkúndigi aıasynda oblystyń barlyq qala, aýdandarynda «Senbilik – tazalyq aınasy» atty aksııa ótti. Mysaly, Túrkistanda «Jastar resýrstyq ortalyǵy» KMM-niń uıymdastyrýymen ótken aksııaǵa 200-ge jýyq belsendi qatysyp, Qoja Ahmet Iаsaýı kesenesi aýmaǵynda tazalyq jumystaryn júrgizdi.
Túrkistan oblysy
