Foto: baq.kz
Tól tarıhymyzda ult taǵdyryn sheshken quryltaılar bolǵan. Onyń kóbi halqymyz úshin mańyzdy kezeńde ótkizilgen. Ulttyq quryltaıdyń el tarıhynda aıryqsha orny bar, áıgili Saraıshyq qalasynda ataqty handarymyz ordasyn tikken – shejireli Atyraý oblysynda ótýi jáne onyń osy óńirde saqtalyp qalǵan Kórisý kúnimen tuspa-tus kelýi kezdeısoqtyq emes.
Quryltaıdyń úshinshi otyrysynda Prezıdent Qasym-Jomart Toqaev til máselesine taǵy da toqtaldy. Memleket basshysy tilimizdiń qoldaný aıasyn keńeıte túsý memlekettik saıasattyń basty baǵyty bolyp qala beretinin aıtty. «Bul – biz úshin myzǵymas ustanym. Elimizde qazaq tiline degen suranys jyl ótken saıyn artyp keledi. Qazaq tili bıznestiń, ǵylym men tehnıkanyń tiline aınala bastady. Bul úrdisti odan ári damytýdyń eń tıimdi ári tóte joly – aǵartýshylyq», dedi Prezıdent.
Memleket basshysy Quryltaıda qazaq qoǵamyndaǵy zııaly qaýymnyń ornyna basty nazar aýdardy. «Yntymaǵy jarasqan, ortaq maqsatqa uıysqan ult eshqashan utylmaıdy. Eshteńeden qur qalmaıdy. Bul iste zııaly qaýym aıryqsha ról atqarady. Ásirese elge sózi ótetin aǵa býynnyń orny bólek. Olar – qazaqtyń qaımaǵy, ulttyń maqtanyshy», degen Prezıdent eldiń tutastyǵy zııaly qaýymnyń birliginen bastalatynyn taǵy bir márte eske saldy.
Prezıdent: «Árbir qazaq ata-babasyn qurmetteıdi, rýhyna taǵzym etedi. Sondyqtan shejire bizdiń mádenı kodymyzdyń ajyramas bóligine aınalǵan. Biraq biz tek osy túsinikpen shektelip qalmaýymyz qajet. Eń bastysy, bul máseleni eshqashan saıasatpen aralastyrýǵa bolmaıdy» deı kele, jeke múddesin emes, el múddesin bárinen bıik qoıatyn azamattar urpaqqa úlgi bolýy qajet ekenin eskertti. Ásirese qazirgi geosaıası jaǵdaıda bul mindet asa mańyzdy ekenin atap kórsetti.
Únzıla ShAPAQ,
Májilis depýtaty
