Aldaǵy úsh kúnde el aýmaǵynyń basym bóligine atmosferalyq frontal bólikter áser etedi, bul aýa raıynyń turaqsyz sıpatyna alyp keledi, jaýyn-shashyn bolady.
Qaraǵandy oblysynyń ońtústiginde 21 naýryzda túnde qatty jaýyn-shashyn, Mańǵystaý oblysynyń batysynda jáne ońtústiginde 20 naýryzda kúndiz qatty jańbyr, Qyzylorda oblysynda 21 naýryzda, Túrkistan oblysynda 20-21 naýryzda, Jambyl oblysynda 19, 20-21 naýryzda tústen keıin qatty jańbyr, Túrkistan oblysynyń taýly jáne taý bókterindegi aýdandarynda 21 naýryzda qatty jańbyr jaýady dep boljanǵan.
20-21 naýryzda Batys Qazaqstan, Atyraý, Aqtóbe oblystarynda, 21 naýryzda Qostanaı oblysynda jaýyn-shashynsyz aýa raıy saqtalady.
Respýblıka boıynsha jel kúsheıedi, tuman, kóktaıǵaq bolady, soltústikte jáne ortalyqta qar jaýady, Qazaqstannyń ońtústigi men ońtústik-shyǵysynda naızaǵaı kútiledi.
- Eldiń basym bóliginde aýa temperatýrasy soltústik jartysynda túnde 7-18 aıazǵa deıin, kúndiz 6 gradýs aıaz - 6 gradýs jylyǵa deıin, respýblıkanyń ońtústik jartysynda túnde 0-10 gradýs aıazǵa deıin, kúndiz 3-18 gradýs jylyǵa deıin birtindep tómendeýi kútiledi, - delingen habarlamada.
