Byltyrǵy jeltoqsan aıynan bastap Qazaqstan aýmaǵynda ulttyq kıim men el mádenıetin nasıhattaýǵa baǵyttalǵan «Ulttyq sezim» fleshmoby ótkizilip keledi. Bastamany kótergen – YPO Kazakhstan kompanııasynyń tóraǵasy Qanat Kópbaev. Bul kúni birqatar uıymnyń qyzmetkerleri, stýdentter men oqýshylar zamanaýı stıldegi ulttyq kostıýmder kıip, dástúrli aksessýarlar taǵady. Qazirgi tańda jobany elimizdegi 100-den asa kompanııa, bilim berý uıymdary, Ulttyq sport qaýymdastyǵy men onyń federasııalary qoldap, qatysýshylar sany 20 000 adamnan asqan.
Olardyń qatarynda Kusto Group, Tas Group, Chocofamily Holding, «BI Group», Astana Group, Invictus, Novopack, Bilim Media Group, Ordamed Group, MYD Production, SDC, Freedom Holding Corp, Magnum, AQ, «QTJ» UK», NKB Group, AlemAgro, Iron Plast Group, Jusan Mobile, Grata International, Bank Centercredit, Viled Group, Caspian Sea Support, Kazakh Speaking Club, Kusto Logistics, Zhebe Logistics sekildi kompanııalar bar.
Sondaı-aq ártúrli bilim berý mekemeleri de bastamaǵa qosylyp, qoldaý bildirip otyr. Atap aıtsaq, QazBSQA, HBK, Esil University, Zubanov University ýnıversıtetteri jáne Kau School, High Tech Academy mektepteri, t.b. Budan bólek, aı saıyn bastamaǵa búkil Qazaqstan boıynsha orta mektepterdiń muǵalimderi men oqýshylar da qoldaý bildirip keledi.
«Ulttyq sezim» uıymdastyrýshylarynyń aıtýynsha, jobanyń basty maqsaty – salt-dástúr men mádenı murany saqtap, taratý, ulttyq kıim qolóneri men naryǵyn damytý, sondaı-aq osy salada jumys isteıtin jas dızaınerler men qolónershilerge qoldaý kórsetý.
