Batys Qazaqstan oblystyq Qorǵanys isteri jónindegi departament basshysynyń orynbasary, podpolkovnık Albert Bekmuhanov áskerge shaqyrý pýnktterinde qalalyq jáne aýdandyq áskerge shaqyrý komıssııalary jumysyn bastaǵanyn habarlady.
Qoldanystaǵy zańǵa sáıkes, áskerge shaqyrýdy keıinge qaldyrýǵa nemese odan bosatylýǵa negizi joq 18 jastan 27 jasqa deıingi Qazaqstan Respýblıkasynyń azamattary merzimdi áskerı qyzmetin óteýge mindetti. Oblysta 30 maýsymǵa deıin Qarýly kúshter, Ulttyq qaýipsizdik komıteti Shekara qyzmeti, Ulttyq ulan jáne Memlekettik qyzmet qataryna 600-den astam jas shaqyrylmaq.
– Qorǵanys mınıstrligi jas jigitterdiń áskerı qyzmetin ótkerýge yntalandyrýǵa baǵyttalǵan usynystar ázirlep, júzege asyryp jatyr. Mysaly, merzimdi áskerı qyzmet ótkerý kezeńinde nesıelik kanıkýl berý, áskerı qyzmettiń belgilengen merzimin ótkergen soń UBT-ǵa qatyspaı joǵarǵy oqý oryndaryna túsý sııaqty jeńildikter qarastyrylǵan, – deıdi Albert Markıstuly.
Buǵan qosa jyl aıaǵyna deıin Qazaqstan Respýblıkasy Úkimetiniń qaýlysyna sáıkes elimizdiń túrli áskerı qurylymdaryna 700 leıtenant kelýge tıis. «Sondyqtan keıinge qaldyrýǵa negizi joq 29 jasqa deıingi zapastaǵy áskerıler, 32 jasqa deıingi medısına mamandyǵy bar zapastaǵy ofıserler de áskerge shaqyrylady», deıdi podpolkovnık A.Bekmuhanov.
Batys Qazaqstan oblysy Reseı Federasııasynyń 5 oblysymen shektesip jatqan shekaralyq óńir. Sondyqtan jastar arasynda shekara qyzmeti de jaqsy tanymal. UQK Shekara qyzmeti BQO departamenti basshysynyń orynbasary, podpolkovnık Mereke Aımaǵanbetovtiń aıtýynsha, byltyr óńirden 115 sarbaz shekara qyzmetin tańdaǵan.
– Bizdiń oblystan shekara qyzmetine shaqyrylǵan jas sarbazdar áýeli Almaty qalasynda jáne Almaty oblysynda shekara basqarmalarynda 2 aı oqyp, Atyraý men Mańǵystaý oblystarynda áskerı qyzmetin óteıtin bolady. Orta, arnaıy jáne joǵary bilimi bar sarbazdar 6 aıdan keıin kelisim shart boıynsha turaqty jumysqa ornalasa alady. Ol úshin arnaıy tekseristen jáne áskerı medısınalyq tekseristen ótýi kerek. Byltyr bizdiń shekara qyzmetine shaqyrylǵan 115 azamattyń 35-i kelisimshart arqyly jumysqa ornalasty. Olarǵa aı saıyn 46 098 teńge turǵyn úı tólemaqysy, 240 myń teńgeden joǵary aılyq jalaqy tólenedi. Tegin kıim jáne tamaqpen qamtamasyz etiledi, – deıdi M.Aımaǵanbetov.
Bir qýanarlyǵy, keıingi jyldary ásker qataryna shaqyrylǵan oraldyq jastardyń densaýlyǵynda oń ózgeris bar eken. «Buryn jastarda júrek, qulaq, kóz aýrýlary, hırýrgııalyq syrqattar jıi tirkeletin. 2023 jylǵy áskerı medısınalyq komıssııalar nátıjesi 2021-2022 jyldarǵa qaraǵanda ásker qataryna densaýlyǵy jaramaı qalǵan jastardyń sany azaıǵanyn kórsetti», deıdi A.Bekmuhanov.
Árıne, eldi, jerdi qorǵaý ár azamattyń qasıetti boryshy ekeni sózsiz. Osynaý áskerı qyzmettiń abyroıyn asyryp, jastar arasynda nasıhattaý isine Oral qalasyndaǵy 5517 áskerı bólimi de barynsha úles qosyp otyr. Búginde elimizdiń ár aýmaǵynan kelgen 400-ge jýyq azamat Ulttyq ulanǵa qarasty 5517 áskerı bóliminde Otan aldyndaǵy boryshyn oryndap, úlken ómir mektebinen ótip jatyr.
– Jastardyń boıynda patrıottyq sezimdi oıatý maqsatynda bizdiń áskerı qurylymdar aıanbaı eńbek etip keledi. Ásirese Qazaqstan Respýblıkasynyń Ulttyq ulany kóptegen is-shara ótkizip júr. Áskerı bólimderdegi ashyq esik kúnderi, mektep oqýshylaryna arnalǵan úgit-nasıhat jumystary, basqa da is-sharalar osynyń aıǵaǵy, – deıdi «Batys» О́ńirlik qolbasshylyǵy Baspasóz qyzmetiniń ofıser tilshisi, leıtenant Baqdáýlet Manarbek.
Mysaly, jaqynda 5517 áskerı bólimniń tárbıe jáne áleýmettik-quqyqtyq jumys jónindegi bólimshe qyzmetkerleri №19 orta mekteptiń joǵary synyp oqýshylarymen kezdesip, Ulttyq ulan akademııasyna oqýǵa shaqyrdy. Kezdesýde áskerı qyzmettiń qyr-syry, Otan qorǵaý jolynda abyroıǵa bólengen aǵa urpaqtyń ónegeli isteri aıtyldy.
Al Ulttyq ulannyń «Batys» óńirlik qolbasshylyǵyna qarasty 5517 áskerı bóliminde ótken «Ashyq esik kúni» atty is-sharaǵa Oral qalasyndaǵy mektepterdiń joǵary synyp oqýshylary qyzyǵa keldi. Olar bólimdegi áskerı tehnıkamen, qarý-jaraq túrlerimen tanysty. Mundaı jıyndar óskeleń urpaqtyń áskerı-patrıottyq sezimin kúsheıtip, jastar arasynda Ulttyq ulannyń ımıdjin kótereri sózsiz deıdi uıymdastyrýshylar.
Batys Qazaqstan oblysy
