«26 aqpanda Nursultan Nazarbaevtyń jıeni, Ulttyq qaýipsizdik komıteti tóraǵasynyń burynǵy birinshi orynbasary Samat Ábish jabyq sottyń sheshimimen segiz jylǵa shartty túrde bas bostandyǵynan aıyryldy», delingen Májilis depýtaty Ermurat Bapı áleýmettik jelidegi paraqshasynda bólisken «Dat» gazetiniń jazbasynda.
Eske salaıyq, Nazarbaevtyń jıeni Samat Ábish qańtar oqıǵasynan keıin kóp uzamaı Ulttyq qaýipsizdik komıteti tóraǵasynyń birinshi orynbasary qyzmetinen aıyryldy.
2023 jyldyń 19 qyrkúıeginde Samat Ábishtiń ústinen qańtar oqıǵasy kezinde bıligin jáne qyzmettik ókilettigin asyra paıdalanǵany úshin qylmystyq is qozǵalǵany belgili boldy.
2024 jyldyń 15 qańtarynda Ábishtiń isi sotqa jiberildi, 28 aqpanda Bas prokýrordyń orynbasary Áset Shyndalıev bul is sotta ekenin málimdedi.
