Foto: baq.kz
«Eń aldymen, halyqtyń bereke-birligin saqtaý eldigimiz úshin asa mańyzdy. Bul týraly únemi aıtyp júrgenimdi bilesizder. Yntymaǵy jarasqan, ortaq maqsatqa uıysqan ult eshqashan utylmaıdy, eshteńeden qur qalmaıdy», dep atap ótti Prezıdent. Sondaı-aq Qasym-Jomart Kemeluly zııaly qaýymnyń, ásirese aǵa býyn ókilderiniń osy birlikti nyǵaıtýdaǵy erekshe róline toqtala ketti. Olar – qazaqtyń qaımaǵy, ulttyń maqtanyshy ekendigine erekshe nazar aýdardy. Sonymen qatar Memleket basshysy eldiń tutastyǵy zııaly qaýymnyń birliginen bastalatyndyǵyn, ıaǵnı, eń aldymen, el aǵalarynyń arasynda aýyzbirshilik bolýy kerektigin kópshilikke jetkizdi.
Bir sózben aıtqanda, zııaly qaýym ókilderi jas urpaqqa jol nusqap, baǵyt-baǵdar berýi qajet. Jalpy, Ulttyq quryltaıdyń maqsaty – jańa ıdeıalar men jasampaz qadamdar arqyly ult birligin nyǵaıtý. Bul bizge birlesken kúsh-jiger arqyly Jańa Qazaqstandy qurýǵa múmkindik beredi.
Sultanbek MÁKEJANOV,
Senat depýtaty
