Talaı iske uıytqy

Quryltaıda aıtylǵan sóz jańa saıası qoǵamdyq mámileniń negizin qalyptastyrary sózsiz. Qazaqstan damýynyń negizgi qaǵıdattary – ádildik, jaýapkershilik, órleý. Atyraýda ótken quryltaıda osy qaǵıdattardy júzege asyrýǵa baǵyttalǵan jańa ıdeıalar men usynystar ortaǵa tastalyp, jańa mindetter aıqyndaldy. Eń bastysy – jańa qundylyqtar jú­ıesi usynyldy.

Prezıdent Qasym-Jomart Toqaev Ulttyq quryltaıda mem­le­ket­tik, ulttyq qundy­lyq­tar­dy berik ornyqtyra túsýge ba­ǵyttalǵan mańyzdy dúnıelerdi atady. Má­se­len, kitap oqý máde­nıetin qo­ǵamda barynsha or­nyqtyrý úshin naqty qadam jasalady. Bul – ozyq oıly ult bolýdyń tóte joly.

Qazaqstan tarıhy tym tereńde jatyr. Altyn Ordadan bastaý alyp, Qazaq handyǵy dáýirinde qalyptasty. Altyn orda tarıhyn, brendin qalyptastyrý. Iаǵnı Mem­leket basshysy álemdegi Altyn Orda týraly túsinik Qazaq­stan­men baılanysty bolýy kerek degen túıindi aıtty.

Memleket basshysy, tarıhshylar men mádenıetttanýshylarǵa, quzyrly organdarǵa jańa mindetter men tıisti tapsyrma berdi. Ult­tyq biregeılikti saqtaýda eldi tolǵandyryp júrgen radıkaldy neofıtter jaıly oryndy aıtyldy. Quryltaıda tarıh, mádenıet ıdeologııa salasynyń baǵdary ǵana emes, ulttyq biregeılikti ny­ǵaı­tý, halyqtyń turmys sapasyn jaqsartýǵa qatysty Úkimetke naqty tapsyrmalar berildi. Má­selen, Memleket basshysynyń tapsyr­ma­symen aýyl, aýdan ortalyǵy tur­ǵyn­daryna arnalǵan jańa turǵyn úı baǵdarlamasy qolǵa alynady. Osy­laısha, Atyraýda ótken Qu­ryl­taı aldaǵy talaı iske uıytqy bolǵaly tur.

Aıgúl QAPBAROVA,

Senat depýtaty