Sport • 20 Naýryz, 2024

Elimizde 620 myńǵa jýyq adam ulttyq sportpen shuǵyldanady

106 ret

kórsetildi

1 mın

oqý úshin

Statıstıkalyq derekke sáıkes, elimizde ulttyq sport túrleri qarqyndy damyp kele jatqany baıqalady. Máselen, 2022 jyly el boıynsha Ulttyq sport túrlerimen júıeli túrde shuǵyldanatyndar sany 584,1 myń adamdy qurasa, 2023 jylǵy kórsetkish 619,2 myń adamǵa deıin ósken, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.

Marjan TILEÝBEK

Elimizde 620 myńǵa jýyq adam ulttyq sportpen shuǵyldanady

Foto: gov.kz

Sáıkesinshe, seksııalarda dene shynyqtyrý jáne sportpen aınalysatyndardyń jalpy sanynyń 8,7% qurady. Qazirgi tańda Ulttyq sport boıynsha 1 488 jattyqtyrýshy jumys isteıdi, onyń ishinde 928 bapker aýyldyq jerlerde eńbek etedi. Elimizde jyl saıyn qazaq kúresi, toǵyzqumalaq, asyq atý, kókpar, báıge, teńge ilý, jamby atý, aýdaryspaq, qusbegilik, dástúrli sadaq atý, jekpe-jek sııaqty resmı túrde Ulttyq sport túrleriniń tizimine engen sport túrleri boıynsha túrli deńgeıdegi (halyqaralyq deńgeıden aýyldyq deńgeıge deıin) myńnan astam jarys ótkizilip keledi.

Búginde respýblıkada 12 sport klýby jáne Ulttyq sport túrleri boıynsha 13 sport mektebi bar. Sonymen qatar respýblıkalyq deńgeıdegi ulttyq qurama komandalarynyń sportshylaryn daıarlaıtyn Ulttyq jáne At sporty ortalyǵy jáne ulttyq sport túrleri boıynsha 10 federasııanyń basyn qosatyn qaýymdastyq jumys isteıdi. Sondaı-aq Qazaq kúresi jáne Jekpe-jek federasııasy bar.