Foto: Aqorda
Marafondy telearnanyń birneshe jýrnalısi tizgindegen.
Ulttyq arna tartýyna beıbit kúnde el ishinen shyqqan batyrlar qonaq retinde shaqyrylǵan. Sonyń biri Almaty oblysy Ile aýdanyndaǵy № 219 avtobýs baǵdary júrgizýshisiniń talmasy ustap qalǵanda kólikti toqtatyp, birneshe jolaýshyny aman alyp qalǵan Aqjol Geroı.
Ulttyq arna tórinde qonaq bolǵan batyr bala Qazaqstan halqyn naýryz merekesimen quttyqtady.
Sondaı-aq tikeleı efırde Túrkimenstannyń bizdiń eldegi ókiletti elshisi eki memleket arasyndaǵy naýryzdy toılaýdyń uqsastyqtary men erekshelikterin aıtyp berdi. Máselen, qazaq halqy naýryzkójeni 7 dámnen jasasa, túrikmen halqy 7 S árpinen bastalatyn dámnen naýryz kóje daıyndaıdy.
Marafonda Prezıdent Qasym - Jomart Toqaevtyń tazy ıtterin asyraýdy unatatyny aıtylyp, 3 tazysynyń eń kishkentaı kúshigin Naýryz dep ataǵany aıtyldy.
Eske salaıyq, 2023 jyly Qazaqstan Prezıdenti Qasym-Jomart Toqaev Naýryz meıramy qarsańynda Astanadaǵy «Tazy» tuqymdy ıtterdiń kórmesin aralap kórgen edi. «Naýryz» esimdi tazy Prezıdentke sol kórmede syı retinde usynyldy. Q.Toqaev tazy kúshiginiń esimin ózgertpegeni belgili boldy.
Aıta keteıik, tikeleı efırde ulttyq qundylyqtar nasıhattalyp, dástúrli án-jyr áýelep jatyr.
