Foto: Ashyq derekkózden
Nursultan Baıtilesov qoǵamdyq keselge aınalǵan lýdomanııa men sıntetıkalyq esirtkiniń el shyrqyn buzyp jatqanyn aıta kele, zań jobasyna ózgeris engizý boıynsha usynystaryn ortaǵa saldy.
«Zań jobasynda qumar oıyn oınaıtyndardy 25 jasqa deıin shekteýdi, sheteldik uıymdastyrýshylardyń zańsyz qyzmetinde qarjy operasııalaryna tyıym salýdy, buqaralyq aqparat quraldarynda býkmekerlik keńseler men totalızatorlardyń jarnamasyna tyıym salýdy jáne taǵy basqa túzetýler engizýdi josparladyq. Qazir lotomatık pen basqa lotereıa termınaldary OLX jáne basqa marketpleısterde erkin satylyp jatyr. Osy apparattardy satyp alyp, turǵyn úılerdiń astyndaǵy dúkenderde zańsyz oıyn bıznesin uıymdastyryp, sottalyp jatqan azamattar da barshylyq», dedi depýtat.
Ol ózekti máselemen kúresý jolynda tek jaza qoldanyp qana qoımaı, onyń aldyn alý úshin profılaktıkalyq sharalardy jıi ótkizý mańyzdy ekenin eskertti.
Odan bólek, Nursultan Baıtilesov taǵy bir alańdatarlyq másele retinde esirtki óndirisi men saýdasyn atady.
«О́tken jyldyń ózinde ǵana elimizde esirtkige qatysty 7,5 myńnan astam qylmystyq is tirkelip, zańsyz aınalymnan 41 tonna esirtki alynypty. Bul – dabyl qaǵarlyq jaǵdaı. Qazirgi ýaqytta esirtki bıznesiniń jańa kórinisterine qarsy kúresti kúsheıtý úshin Májilis prekýrsorlardyń (olardyń kontrabandasy ǵana qylmystyq jazalanady), esirtki jasaý úshin paıdalanylatyn ózge de zattar men jabdyqtardyń (munda mindetti belgi olardy ótkizý bolyp tabylady) eldegi zańsyz aınalymy úshin jaýapkershilikti qatańdatýdy kózdeıtin zań jobasyn qabyldaýǵa daıyn ekenin málimdeımiz», dedi Májilis depýtaty.
