Búgin Baıqońyr aýdanyndaǵy tekseristerdiń birinde tyıym salynǵan ónimniń iri kólemin zańsyz saqtaǵandar belgili boldy.
- Garaj retinde paıdalanylǵan nysanda qazir tyıym salynǵan 1 qap jáne 2 qorap nasybaı anyqtaldy. Endi tárkilengen tyıym salynǵan zattar joıylady. Sondaı-aq ıesi ákimshilik jaýapkershilikke tartylady, - deıdi polısııa basqarmasynyń ýchaskelik ınspektory Bahtııar Baıqanov.
Sonymen qatar reıdter barysynda shegilmeıtin temeki ónimderin saqtaý men taratý faktileri de quryqtalady.Saryarqa aýdanynyń polısııa qyzmetkerleri profılaktıka barysynda dúken ıelerine veıpterdi zańsyz satqaǵany úshin 92 myń 500 teńge aıyppul qarastyrylǵanyn eskertti.
Jedel profılaktıkalyq is-shara 31-naýryzǵa deıin jalǵasady. Quqyq qorǵaýshylar men ákimdik ókilderinen quralǵan top tekseristerdi eń aldymen mektep mańyndaǵy dúkenderden bastaýda.
