Astana ýaqyty boıynsha saǵat 12.00-de Pavlodar qalasyndaǵy Qurmanǵazy atyndaǵy balalar mýzyka mektebiniń oqýshylary, mýzykalyq kolledj kesheni-daryndy balalarǵa arnalǵan mýzykalyq mektep-ınternatynyń oqýshylary men stýdentteri jáne Pavlodar qalasy hımııa-bıologııa baǵytyndaǵy Nazarbaev zııatkerlik mektebiniń oqýshylary «Batyr mall» saýda ortalyǵynda kúılerin ortaǵa saldy.
Olar «Balbyraýyn», «Adaı», «Saryarqa» Q. Saǵyrbaıuly; «Tepeń kók» halyq kúıi; «Álqıssa» N. Tlendıev; «Erke sylqym» Á. Jeldibaev; «Kóroǵly» D. Shyǵaıuly; «Kókserke» Baıjigittiń kúılerin oryndady.
Aıta ketsek 12-20 naýryz aralyǵynda óńirimizdiń barlyq mektepteri, mektepten tys uıymdarynyń oqýshylary jáne kolledj stýdentteri dombyrashylar chellendjine belsene qatysty.
«Dombyra – ejelgi dáýirden kele jatqan qazaq halqynyń keń taraǵan qasıetti ulttyq mýzykalyq aspaby. Sondyqtan óskeleń urpaq dombyrada oryndaý óneriniń qasıetti dástúrin jalǵastyrýy kerek», deıdi mýzykalyq kolledj kesheni-daryndy balalarǵa arnalǵan mýzykalyq mektep-ınternatynyń basshysy Serik Syzdyqov.
