Robot OpenAI júıelerimen biriktirilgen. Adamı sezim men aqyldy robotty jasaǵan kompanııa ózine «jalpy maqsattaǵy gýmanoıdty ómirge ákeletin AI robottehnıkasynyń birinshi túri» degen baǵa bergen. Bul qultemirler ónimdilikti arttyryp, jumys kúshi tapshylyǵyn joıyp, qaýipti jumystaǵy adamdardyń sanyn azaıtýǵa kómektespek.
Figure AI – tutynýshylyq jáne kommersııalyq maqsatta gýmanoıdty robottardy qurastyratyn robottehnıka kompanııasy. Kompanııa aqyldy robottardy jasaý úshin OpenAI-men seriktes bolyp, 675 mıllıon dollarlyq ınvestısııa tartqan edi. Qarjylandyrý raýndyna ınvestorlar Djeff Bezos, Microsoft, Nvidia, Intel, taǵy basqalary bar. Tehnologııa salasyndaǵy kóptegen alpaýyt qurylymdar osy kompanııanyń bir bóligin alǵysy keletini de belgili.
Ajaldan arashalaǵan ara
AQSh-ta turatyn Ellı Lobel ómirmen qoshtasýǵa daıyndalyp júr edi. Kenet ony ara shaǵyp alady. Sodan bastap bári ózgeredi.
27 jastaǵy Ellı laıma aýrýyn juqtyryp, mán bermegeniniń kesirinen ýshyqtyryp alady. Kúnderdiń kúninde dárigerlerden «az ǵana ýaqytyńyz qaldy» degendi de estıdi. Oǵan nebir dıagnoz qoıylady: skleroz, lýpýs, revmatoıdty artrıt, fıbromıalgııa. Kúresýden sharshaǵan áıel bárinen bas tartyp, kúderin úzedi.
Kalıfornııaǵa barǵan kezinde oǵan aralar shabýyl jasaıdy. Túgin qaldyrmaı shaǵyp, Ellıdiń saý-tamtyǵy qalmaıdy. Biraq eń ǵajaby – osy shabýyldan keıin ol aldyńǵy dertinen qulantaza aıyǵady. Medısına kózimen qarasaq, aralar Ellıdi shaqqan kezde, onyń jasýshalary neırondarynda «TRPV1» dep atalatyn arnaıy belsendiretin qabyný qosylysyn shyǵarǵan. Iаǵnı melıtın – aǵzadaǵy basqa fermentterge áser etip, ózge de reaksııalar júrgen.
Bul ǵajaıyp oqıǵa ǵylymı túrde áli zerttelmegen. Biraq janýarlardan alynatyn ýlardy adamdarǵa zııan keltiretin toksınderdi emdeý úshin de qoldanýǵa bolatyndyǵy burynnan belgili. Mysaly, Azııada aralar ǵasyrlar boıy dárilik maqsatta qoldanylǵan. Rım ımperııasynyń qýatty jaýy Pontýs patshasy Mıtrıdat ta dala jylanynyń ýymen qan ketýdi toqtatyp, pole dalasynda aýyr jaraqattan, ólimnen qutyldy degen de sóz bar.
