Foto: Ulttyq Ulan
Máselen, 22 naýryz kúni saǵat 13:40 shamasynda «Esil» aýdanynda qoǵamdyq tártipti saqtaý jónindegi patrýldik-bekettik qyzmetti atqarý kezinde áıel adam áskerı jasaqqa joǵalǵan nemeresin taýyp berýdi ótingen.
Áskerı jasaq bastyǵy-qatardaǵy Mádı Isaev pen qatardaǵy jaýynger Ádilet Zákenov bul týraly patrýldik top bastyǵyna baıandap, jaqyn mańdaǵy jasaqtardy habardar etti. Qysqa ýaqyttan keıin sarbazdar tórt jasar balany taýyp, ony ájesine tapsyrdy. Jergilikti turǵyn sarbazdarǵa jaýapty qyzmeti men jedeldigi úshin alǵys aıtty.
Ekinshi jaǵdaı saǵat 17:15 shamasynda boldy. Qatardaǵy jasaq bastyǵy Nurdáýlet Esenbaev pen patrýldik qatardaǵy jaýynger Tilek Serikbolsynov EXPO aýdanynda patrýldeý kezinde jeti jasar qyzdyń joǵalǵany týraly habar alǵan.
– Baǵdardy alǵannan keıin biz birden joǵalǵan balany izdeýge kiristik. Polısııa qyzmetkerlerimen 30 mınýttyq birlesken izdeý sharalarynan keıin biz joǵalǵan balaǵa uqsas belgileri bar qyzdy taptyq. Odan keıin ony ata – anasymen qaýyshtyrdyq, - dedi áskerı jasaq bastyǵy qatardaǵy jaýynger N. Esenbaev.
Úshinshi jaǵdaı saǵat 20:30 shamasynda boldy. Áskerı jasaq bastyǵy qatardaǵy jaýynger Damırhan Nurhan men patrýldik qatardaǵy jaýyngerler Álisher Aıtbaev pen Nurasyl Chaýbaevtan jasaqtalǵan áskerı jasaq patrýldeý baǵytynda «IPhone 14» markaly smartfondy tapty. Bul jaǵdaı týraly olar aǵa bastyqtarǵa baıandaǵan.
– Qurylǵynyń kimge tıesili ekenin izdeı bastaǵan kezde telefonǵa smartfon ıesinen qońyraý tústi. Keıin ol telefony tabylǵan jerge keldi. Áńgime barysynda biz smartfonnyń osy jas jigitke tıesili ekenine kóz jetkizip, telefondy qolyna ustattyq, – deıdi áskerı jasaq bastyǵy qatardaǵy jaýynger Damırhan Nurhan.
Osydan keıin jas jigit sarbazdarǵa qyraǵy jáne adal qyzmet etkeni úshin alǵys bildirdi.
