Foto: Aqmola oblysy PD baspasóz qyzmeti
Polısııa departamenti qyzmetkerleri tártip buzǵan Toyota Land Cruiser-di baıqap, toqtatpaq bolǵan. Biraq ol talapqa baǵynbaı, oqıǵa ornynan boı tasalamaq bolǵan. Keıinnen quqyq buzýshy basqa kólikpen soqtyǵysyp, sol jerden de qashyp ketken.
«Polısııa qyzmetkerleri tártip buzýshyny ustaý týraly sheshim qabyldady, ol úshin avtokólikti qýdalaý uıymdastyryldy. «Quqyq qorǵaý qyzmeti týraly» bapqa sáıkes, kólik quralyn májbúrlep toqtatý úshin qyzmettik qarý qoldanyldy.
Qozǵalysyn jalǵastyra otyryp, quqyq buzýshy «Zavodskoı-Indýstrıaldy aımaq» tas jolyna shyǵyp, «Aýdı 80» kóligimen betpe-bet soqtyǵysqan, onyń ishinde júrgizýshi men eki jolaýshy bolǵan», dep habarlady polısııadaǵylar.
Polısııanyń málimetinshe, apat saldarynan úsheýi de oqıǵa ornynda kóz jumdy. Jol-kólik oqıǵasy boıynsha sotqa deıingi tergeý bastaldy.
«Medısınalyq saraptama Toyota Land Cruiser júrgizýshisiniń mas bolǵanyn kórsetti. Tergeý aıasynda sot-medısınalyq saraptama taǵaıyndaldy. Toyota Land Cruiser júrgizýshisi ustalyp, ýaqytsha ustaý ızolıatoryna qamaldy», dep habarlady vedomstvo ókilderi.
