«Boljam ózgermeıdi. Erikti mindettemeler (OPEK+ sheńberinde) birinshi jáne ekinshi toqsanda sol qalpynda qalady, onyń sońynda biz munaı naryǵyndaǵy baǵa konıýnktýrasyn jáne suranys pen usynys teńgerimin qarastyramyz. Bul kólemdi jalpy alǵanda kelesi kezeńde óteýge múmkindigimiz bar», dedi A.Sátqalıev.
Buǵan deıin Energetıka mınıstrligi osy jyldyń sońynda elimizde munaı óndirý boljamy 90,3 mıllıon tonna bolatynyn habarlaǵan. 2024 jyldyń naýryzynda birqatar OPEK+ eli bastapqyda birinshi toqsanǵa josparlanǵan munaı óndirýdi qosymsha erikti qysqartý sharalaryn uzartý týraly jazdy. Sondaı-aq Qazaqstan munaı óndirýdi qosymsha erikti qysqartý merzimin ekinshi toqsanǵa deıin uzartty.
Antalııa dıplomatııalyq forýmyna qatysty
Antalııada (Túrkııa) ótken «Dıplomatııany kúızelis kezinde ilgeriletý» taqyrybyna arnalǵan forýmǵa 100-den astam memleket basshylary jáne úkimet, syrtqy ister mınıstrleri, halyqaralyq uıymdardyń, úkimettik emes uıymdar men sarapshylyq toptardyń ókilderi qatysty.
Forýmnyń ashylý saltanatynda Túrkııa prezıdenti Rejep Taııp Erdoǵan kúrdeli jahandyq geosaıası jaǵdaıda dıplomatııany kúsheıtý qajettigin aıtyp, bul máseleni sheshýdegi forýmnyń mańyzdy rólin atap ótti.
Forýmǵa Qazaqstan Premer-mınıstriniń orynbasary – Syrtqy ister mınıstri Murat Nurtileý qatysty. «Túrki álemindegi ınstıtýttandyrý: HHI ǵasyrdaǵy Túrki memleketteriniń uıymy (TMU)» taqyrybyna arnalǵan paneldik sessııada Murat Nurtileý Qazaqstannyń túrki álemindegi sheshýshi róline toqtalyp, onyń TMU-nyń bastamashysy jáne negizin qalaýshy múshesi retindegi mártebesin, sondaı-aq uıym aıasyndaǵy ıntegrasııany ilgeriletýdegi belsendiligi týraly aıtty.
Almatyda V5+1 forýmy ótti
Ortalyq Azııanyń bes respýblıkasy men Amerıka Qurama Shtattary bar elder toby Almatyda birinshi B5+1 forýmyn ótkizý arqyly alǵa mańyzdy qadam jasady.
Ortalyq Azııa aımaǵyndaǵy memlekettik-jekemenshik áriptestikti damytýdy maqsat tutatyn Halyqaralyq jeke kásipkerlik ortalyǵy (CIPE) V5+1 tobyn qalyptastyrýda mańyzdy ról atqardy. Bul jańa bıznes-platforma halyqaralyq jáne jergilikti kompanııalarǵa jahandyq bıznes pen saýda múmkindikterinen paıda tabýǵa kómektesý, sonymen qatar alty eldiń úkimetterine tikeleı sheteldik ınvestısııalardy kóbirek tartýǵa kómektesý úshin jasalǵan. Forýmnyń alǵashqy kúni «Ortalyq Azııaǵa kózqaras» degen taqyryppen ótti.
Venchýrlyq kapıtal órkendep keledi
«RISE Research» seriktesteri «EA Group» jáne «BGlobal Ventures», sondaı-aq «Crunchbase jáne» úkimettik uıymdarmen birlesip júrgizgen keshendi zertteýdiń sońǵy nátıjeleri Qazaqstandaǵy jáne Ortalyq Azııa men Kavkaz aımaǵyndaǵy venchýrlyq kapıtaldyń órkendep jatqanyn kórsetti.
Zertteýlerge súıensek, keıingi bes jylda venchýrlyq kapıtaldy qarjylandyrý kólemi bes eseden astam ósken Qazaqstandaǵy venchýrlyq kapıtal naryǵy aıtarlyqtaı ulǵaıdy. О́tken jyly aımaqtaǵy venchýrlyq mámilelerdiń jalpy kólemi 110 mıllıon dollardan asty.
Mońǵolııaǵa lokomotıvter jiberiledi
Qazaqstan Mońǵolııaǵa lokomotıvter jetkize bastady. Birinshi partııamen Mońǵolııaǵa árqaısynyń quny 4 mıllıon dollardan asatyn tórt lokomotıv jiberildi.
Indýstrııa mınıstrliginiń málimetinshe, qazaqstandyq lokomotıvterge qazirdiń ózinde Tájikstan, О́zbekstan, Ýkraına, Moldova, Ázerbaıjan jáne Túrikmenstan syndy alty memleket tapsyrys bergen. Mońǵolııa Qazaqstannan lokomotıv satyp alǵan segizinshi el bolyp otyr.
О́tken jyly Qazaqstan men Mońǵolııa arasyndaǵy taýar aınalymy shamamen 133 mıllıon dollar boldy. Qazaqstannyń Mońǵolııaǵa eksporty basym – 124,3 mıllıon dollar, al Mońǵolııadan 8,7 mıllıon dollardy quraıtyn ımport keldi.
