Foto: N.Baıbýlın
Hattama Eýrazııalyq ekonomıkalyq odaqtyń qoldanystaǵy quqyǵynda kezdesetin tehnıkalyq retteý, veterınarııalyq-sanıtarııalyq jáne karantındik fıtosanıtarııalyq sharalar, tutynýshylardyń quqyqtaryn qorǵaý, tarıftik emes retteý jáne memlekettik satyp alý máselelerine qatysty olqylyqtardy joıýǵa arnalǵan. Zańda qarastyrylǵan túzetýler múshe memleketterdiń EAEO-nyń karantınge jatqyzylǵan nysandarynyń biryńǵaı tizbesine qosylmaǵan zııandy organızmderge qatysty shuǵyl fıtosanıtarııalyq sharalar qabyldaýdy, elektrondyq formatta ótkiziletin satyp alýǵa qatysýǵa qoljetimdilikti qamtamasyz etý úshin ulttyq elektrondyq sıfrlyq qoltańbalardy ózara tanýdy, sondaı-aq, taýarlardy ákelý jáne áketý kezinde ruqsat qujattaryn resimdeý prosesin ońaılatýdy kózdeıdi.
Palata otyrysynda senatorlar «2000 jylǵy 7 shildedegi Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister engizý týraly hattamany ratıfıkasııalaý týraly» zańdy da qarap, maquldady.
Sonymen qatar otyrys barysynda Janbolat Jórgenbaev, Sáken Arýbaev, Bekbol Orynbasarov, Andreı Lýkın, Núrııa Nııazova túrli másele boıynsha depýtattyq saýaldaryn joldady.
