Foto: khabar.kz
24.kz saıtyna suhbat bergen Asylbek Sadýov 25 naýryzdan bastap Qostanaı oblysynda sý tasqynyna baılanysty jedel shtab qurylyp, úzdiksiz jumys istep jatqanyn aıtty. Oblys boıynsha, turǵyndardy evakýasııalaý jumystary jalǵasyp jatyr.
«Arqalyq, Amangeldi, Jangeldi aýdandarynda jaǵdaı kúrdeli. Máselen, 390 adamdy topan sýdan qutqardyq. Dálirek aıtqanda, Arqalyq qalasynda 307 adamǵa, Amangeldi aýdanynda 35 adamǵa jáne Jangeldi aýdanynda 46 adamǵa kómek kórsetildi. Qutqarý jumystary áli de jalǵasady», dedi Asylbek Sadýov.
Onyń aıtýynsha, úılerin sý basyp qalǵan turǵyndarǵa kómek kórsetý maqsatynda úsh ushaq jiberildi. Qutqarý jumystaryna Qaraǵandy oblysynyń 50 áskerı qyzmetkeri qatysyp jatyr. Odan bólek Qyzylorda oblysynan qosymsha 31 adam men 6 arnaıy tehnıka jumyldyryldy.
